Çfarë duhet të dini për variantin Delta?

30.06.2021 08:43
Rreshtat+- AShkronjat+- Printo
Çfarë duhet të dini për variantin Delta?

Në Kosovë, më 29 qershor, autoritetet shëndetësore njoftuan se kanë regjistruar dy raste me variantin Delta të coronavirusit. Sipas Ministrisë së Shëndetësisë, të dy pacientët tashmë janë shëruar.

Varianti Delta, që fillimisht është identifikuar në Indi në tetorin e vitit 2020, nga Organizata Botërore e Shëndetësisë është futur në grupin e varianteve shqetësuese të sëmundjes COVID-19. Aty bëjnë pjesë edhe varianti Alfa (i identifikuar fillimisht në Britani të Madhe), Beta ( i identifikuar fillimisht në Afrikë të Jugut) dhe Gama (i identifikuar fillimisht në Brazil).

Variantet që bëjnë pjesë në këtë grup janë më ngjitëse, më vdekjeprurëse ose më rezistente ndaj vaksinave ekzistuese kundër COVID-19.

Delta mund të shtypet, por si?

Varianti Delta tashmë është përhapur në mbi 90 shtete të botës dhe OBSH-ja ka thënë se Delta po bëhet varianti dominues i coronavirusit në mbarë botën.

Shefja e shkencëtarëve në OBSH, Soumya Swaminathan, ka deklaruar më 18 qershor se studimet kanë sugjeruar se varianti Delta është rreth 60 për qind më i transmetueshëm se varianti Alfa, që konsiderohet si variant më ngjitës se varianti origjinal i COVID-19, që u përhap fillimisht në Vuhan të Kinës, në fund të vitit 2019.

Varianti Delta tashmë është dominues në Mbretërinë e Bashkuar, ndërsa shkencëtari kryesor për sëmundje ngjitëse në Shtetet e Bashkuara, Anthony Fauci, e ka cilësuar këtë variant si “kërcënimin kryesor” në përpjekjet e SHBA-së për ta mposhtur pandeminë COVID-19, shkruan Rel.

Sipas të dhënave të Shëndetit Publik të Anglisë, që është agjencia kryesore britanike për shëndetësi, mbi 90 për qind e rasteve me COVID-19 janë me variantin Delta. Sipas kësaj agjencie, varianti Delta ka 64 për qind më shumë mundësi që të përhapet brenda familjeve, sesa varianti Alfa.Ndërkaq, Qendra Evropiane për Parandalimin dhe Kontrollin e Sëmundjeve (ECDC) ka thënë më 23 qershor, se pret që deri në fund të muajit gusht, varianti Delta të përbëjë 90 për qind të rasteve me COVID-19 në vendet e Bashkimit Evropian.

“Fatkeqësisht, të dhënat fillestare (të studimeve) tregojnë se (varianti Delta) mund të prekë njerëzit që kanë marrë dozën e parë të vaksinave ekzistuese. Ka shumë gjasa që varianti Delta të qarkullojë gjerësisht gjatë verës, veçanërisht në mesin e të rinjve, të cilët ende nuk janë në listë për t’u vaksinuar. Kjo gjë mund të rrisë rrezikun që njerëzit më të ndjeshëm të infektohen dhe të përjetojnë sëmundje të rëndë dhe vdekje, nëse nuk janë të vaksinuar plotësisht”, ka thënë ECDC-ja.

Edhe Qendrat amerikane për Kontrollin dhe Parandalimin e Sëmundjeve (CDC) e kanë klasifikuar si variant shqetësues variantin Delta.

Për dallim nga varianti fillestar i koronavirusit, që karakterizohet me simptoma si temperaturë, dhembje muskujsh, probleme me frymëmarrje, humbje të shijes apo nuhatjes, personat që po preken nga varianti Delta, sipas ekspertëve, po përjetojnë kryesisht këto simptoma: dhembje të kokës e fytit dhe rrjedhje nga hunda.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Bashkim Jashari nesër merr gradën Gjenerallejtënant

Bashkim Jashari nesër merr gradën Gjenerallejtënant

Vdes veterani i UÇK-së, Ejup Salihu

Vdes veterani i UÇK-së, Ejup Salihu

Blinken thotë se SHBA po përgatitet për të ndërmarrë një veprim të paprecedentë që do të “kishte pasoja masive për Rusinë”

Blinken thotë se SHBA po përgatitet për të ndërmarrë një veprim të paprecedentë që do të “kishte pasoja masive për Rusinë”

Tre të arrestuarit për vrasjet në Gllogjan nuk po dyshohen vetëm për “vrasje të rëndë”, kjo është vepra tjetër që rëndon mbi ta

Tre të arrestuarit për vrasjet në Gllogjan nuk po dyshohen vetëm për “vrasje të rëndë”, kjo është vepra tjetër që rëndon mbi ta

Anton Quni jep dorëheqje nga pozita e kryetarit të Degës së LDK-së në Prizren

Anton Quni jep dorëheqje nga pozita e kryetarit të Degës së LDK-së në Prizren

Ish-kryediplomati serb: Perëndimi do ta detyrojë Serbinë të njohë Kosovën

Ish-kryediplomati serb: Perëndimi do ta detyrojë Serbinë të njohë Kosovën

Prokuroria jep detajet e fundit për tre të arrestuarit për vrasjen në Gllogjan

Prokuroria jep detajet e fundit për tre të arrestuarit për vrasjen në Gllogjan

Njëri nga të arrestuarit për krimin mizor në Gllogjan kishte folur një ditë pas rastit

Njëri nga të arrestuarit për krimin mizor në Gllogjan kishte folur një ditë pas rastit

Basha: Dje u themelua organizata e parë antiamerikane në 30 vite, pas asaj të Enver Hoxhës

Basha: Dje u themelua organizata e parë antiamerikane në 30 vite, pas asaj të Enver Hoxhës

Ilir Meta shpreh shqetësim me veprimet e Republika Srpskas

Ilir Meta shpreh shqetësim me veprimet e Republika Srpskas

Forca të shtuara të policisë para gjykatës ku po dalin tre të dyshuarit për vrasjen në Gllogjan

Forca të shtuara të policisë para gjykatës ku po dalin tre të dyshuarit për vrasjen në Gllogjan

Gjendet pa shenja jete një 66 vjeçar në Prishtinë

Gjendet pa shenja jete një 66 vjeçar në Prishtinë

Paralajmërohet se listës së të sanksionuarve nga SHBA-ja do t’i shtohet edhe vëllai i Vuçiqit

Paralajmërohet se listës së të sanksionuarve nga SHBA-ja do t’i shtohet edhe vëllai i Vuçiqit

FFK arrin marrëveshje për prodhimin e orëve zvicerane të personalizuara

FFK arrin marrëveshje për prodhimin e orëve zvicerane të personalizuara

Për versionin e ri të variantit Omicron, shkencëtarët thonë se mund të jetë i vështirë për t’u gjërmuar

Për versionin e ri të variantit Omicron, shkencëtarët thonë se mund të jetë i vështirë për t’u gjërmuar

Flet për herë të parë familja e Halil Mehmetajt që u arrestua me dy djemtë e tij: “S’kanë lidhje me vrasjen në Gllogjan, po dojnë me na flliq”

Flet për herë të parë familja e Halil Mehmetajt që u arrestua me dy djemtë e tij: “S’kanë lidhje me vrasjen në Gllogjan, po dojnë me na flliq”