Burri vret gruan, tre vajzat e tij dhe më pas veten

E publikuar: 05/08/2022 09:34
Rreshtat+- AShkronjat+- Printo
Share:

Një burrë ka vrarë gruan dhe tre vajzat e tij në shtëpinë e tyre përpara se të vriste dhe veten në Orlando, Florida.Donovan Michael Ramirez, 45 vjeç, besohet se ka vrarë gruan e tij Stephanie Renee Ramirez, 39 vjeç dhe vajzat Alyssa Berumen, 22, Sunny Ramirez, 11 dhe Shelby Rose Ramirez, shtatë, në një sulm të lidhur me abuzimin në familje.

Policia konfirmoi se gjeti një armë zjarri në vendin e ngjarjes pasditen e së martës pasi u thirrën për një kontroll, por shkaku i vdekjes së familjes tragjike ende nuk është konfirmuar.

Kur oficerët mbërritën në vendngjarje në Lake District Lane në Liqenin Nona, një nga policët në detyrë u desh të dilte jashtë pasi u ndje keq për shkak të natyrës shqetësuese.

Sipas vendasve, familja u zhvendos në lagje nga Los Angeles në vitin 2020.

Nuk dihen ende motivet e rastit tragjik, shkruan DailyMail.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!