Kryeministrja e Serbisë, Ana Brnabic ka komentuar ndalimin e sportistëve të Kosovës për të marr pjesë në Kampionatin e Karatesë.
Ajo ka thënë se Kosova nuk mund të marr pjesë në asnjë mënyrë në Kampionatin Evropian të Karatesë që mbahet në Novi Sad, raportojnë mediat serbe, transmeton Indeksonline.
Sipas saj, Kosova s’mund të marr pjesë me karakteristika kombëtare në këtë ngjarje dhe se me ndalimin që iu është bërë nuk është shkelur asnjë marrëveshje.
“Absolutisht nuk është shkelur marrëveshja e Brukselit. Në marrëveshje thuhet se për çdo vizitë zyrtare, shteti duhet të dërgoj një njoftim zyrtarë 48 orë para se të hyj në Serbi”, ka thënë Brnabic. /Indeksonline/
