Bislimi: Pse ta shkarkojmë Rakiqin, atë po e zhveshim dhe po e diskreditojmë për ditë

E publikuar: 05/08/2022 22:16
Rreshtat+- AShkronjat+- Printo
Share:

Zëvendëskryeministri i Kosovës, Besnik Bislimi, ka thënë se qeveria nuk ka nevojë të shkarkojë Goran Rakiqin, ministër në Qeverinë Kurti.

Bislimi thotë se Rakiq nuk ka qenë në mbledhje të qeverisë që moti dhe se Lista Serbe nuk e ka për qëllim të shtyjë përpara interesat e serbëve të Kosovës. Ai thotë se nuk ka nevojë të shkarkohet Rakiq, pasi Qeveria po e dekonspiron atë ditë për ditë.

“Qeveria e Kosovës ka 18 anëtarë të kabinetit. 15 ministra. 2 zvkryeministra dhe një kryeministër. Në kushte normale këta janë anëtarët e kabinetit. Ky është kabineti qeveritar dhe këto janë objektivat tona. Efektivisht ne kemi 17 anëtarë dhe Rakiqin. Nuk e mbaj mend kur ka qenë ai në mbledhje të qeverisë dhe nuk e mabj mend kur ka shtyrë një temë që ka ëpr qëllim interesat e serbëve të Kosovës”, tha ai në RTK.

“Unë mendoj se kjo është mënyra më e mirë se si të i tregojmë serbëve të Kosovës që Lista Srpska nuk ka interes fare mirëqënien e tyre po Rakiq ka interes të marrë mëditjet me paraqitje në Serbi. Për momentin 100% e vende që përfaqësojnë interesat e vendeve të serbëve janë të okupuara nga Lista Serbe. Po të kishte një deputet serb tjetër, ai do të ishte zgjidhja jonë pasi interesi ynë është të shtyjmë përpara interesin serb. Për të treguar se Lista Serbe është e Beogradit dhe jo serbëve të Kosovës janë Rakiq dhe Radojciq. Radojcicin e ka dekonspiruar Amerika ndërsa Rakiqin po e dekonspirojmë ne ditë për ditë. Pse ta shkarkojmë?”, shtoi Bislimi.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!