Berisha: Kjo është pyetja e parë që do t’ja bëj Haradinajt si kryeministër

E publikuar: 30/05/2017 09:31
Rreshtat+- AShkronjat+- Printo

Kryeministri i Serbisë, Aleksandër Vuçiq, ka thënë se me marrëveshjen për Asociacionin e Komunave Serbe asnjë polic shqiptar s’do të mund të kalojë në pjesën Veriore dhe një kandidat i AAK-së për deputet ka thënë se për këtë çështje do ta pyes Ramush Haradinajn ditën e parë që ai do bëhet kryeministër,
“Pyetja e parë parlamentare që do t’i shtroj kryeministrit të Kosovës Ramush Haradinaj, do të jetë sqarimi i marrëveshjeve me Serbinë, e që ka të bëjë deklaratën e kryeministrit të Serbisë, Vuçiq: ‘që të gjithë punonjësit e policisë të jenë të nacionalitetit serb, dhe se asnjë polic shqiptarë të mos vë këmbë në Veri të Kosovës’, ka shkruar në llogarinë e tij në Facebook, Anton Berisha.

“Në një shtet europian, siç është Kosova, kjo nuk mund të ndodhë prandaj ose Vuçiq është duke manipuluar, ose duhet anuluar një marrëveshje e tillë”.