Bajrami: Kurti ka mbetur te tema e tabelave, të ulet me sindikalistët dhe të gjejë një zgjidhje

E publikuar: 25/08/2022 14:35
Rreshtat+- AShkronjat+- Printo

Deputetja e LDK-së, Hykmete Bajrami, ka thënë se partia në pushtet, Lëvizja Vetëvendosje, e ka për obligim të ulet me sindikalistët, të nisë dialogun social dhe të gjendet një zgjidhje për përfundimin e grevës.

Përmes një postimi në Facebook, ajo thotë se partia në pushtet dhe kryeministri Kurti kanë mbetur te tema e tabelave dhe nuk po merren me asnjë problem tjetër. “As me problemin e arsimit. As me problemin e energjisë. As me problemin e ekonomisë. As me problemin e shëndetësisë”.

Sipas saj, ideja për t’i ndëshkuar sindikalistët grevistë është vepër penale dhe nuk mund të realizohet në një shtet demokratik siç është Kosova.

Lexoni më poshtë postimin e saj të plotë:

Partia në pushtet, Qeveria dhe Kurti duhet të gjejnë zgjidhje e jo të konfrontohen me grevistë

Partia në pushtet, Lëvizja Vetëvendosje, dikur përkrahëse e secilës grevë në sektor publik e privat, duhet të gjejë zgjidhje shpejt për grevën e nisur sot sepse dëmi nga zgjatja e grevës mund të jetë i parikuperueshëm.

Partia në pushtet, Lëvizja Vetëvendosje, e ka për obligim të ulet me sindikalistet, të nisë dialogun social dhe të gjendet një zgjidhje për përfundimin e grevës.

Vetëvendosje ka ardhur në pushtet duke premtuar zgjidhje për secilin problem në nivel lokal, në nivel qendror, në nivel mbarëkombëtar e ndërkombëtar.

Tash, në vend të zgjidhjeve, Qeveria ka zgjedhur konfrontimi me sindikatat si rrugë e vetme. Kjo rrugë është e gabuar pasi pasojat do t’i bartin të gjithë e jo veç partia në pushtet dhe kryeministri Kurti. Edhe ideja për t’i ndëshkuar sindikalistët grevistë është vepër penale dhe nuk mund të realizohet në një shtet demokratik siç është Kosova. Ne kemi në fuqi Ligjin për Grevat, i cili i ka dhënë të drejtë punëtorit të organizojë grevë të ligjshme dhe i ka dhënë mbrojtje se askush s’mund të marrë masa ndaj tij pse ka hyrë në grevë të ligjshme. Ndëshkimet përmes komisarëve dhe komisariateve mund t’i bëjnë vetëm në parti por jo edhe në Qeveri.

Partia në pushtet, Lëvizja Vetëvendosje dhe Kryeministri Kurti kanë mbetur te tema e tabelave dhe nuk po merren me asnjë problem tjetër. As me problemin e arsimit. As me problemin e energjisë. As me problemin e ekonomisë. As me problemin e shëndetësisë.

Në vend të zgjidhjeve, Partia në pushtet, Lëvizja Vetëvendosje dhe kryeministri Kurti kanë zgjedhur të mos flasin për asnjë temë tjetër përveç për tabela dhe për takime me Vucicin, dikur prioritet i fundit. Shih paragrafin 2 të nenit 11 të Ligjit Nr. 03/L-200 për Grevat.

 

May be an image of text that says 'Neni 11 E drejta per greve 1. Pjesëmarrja nẽ greva lejohet nèse parashihet me ligj, me kontratën kolektive dhe me statutin e sindikates. 2. punšsuari nuk mund tẽ jete diskriminuar per shkak tẽ organizimit dhe pjesẽmarrjes nẽ greve; 3 3/8 Punétorit nuk mundẽ t'i ndalohet e drejta per greve, as tẽ perdoret masa e ndeshkimit per tẽ perfunduar greven nẽ kuptim tẽ paragrafit tẽ kẽtij neni. 4. Ndaj tẽ punesuarit mund tẽ inicohet procedure disiplinore, per organizimin dhe pjesemarrjen nẽ greven qẽ eshtẽ nẽ kundershtim me ligjin.'