‘Ata po më presin diku’: Gruaja vizaton ‘krijesat imagjinare’ që pretendon se i shihte çdo ditë si fëmijë, derisa filloi të merrte medikamente (Foto)

E publikuar: 31/05/2018 15:42
Rreshtat+- AShkronjat+- Printo

Një grua që kishte parë “miq imagjinar” nga mosha nëntë deri në moshën 13 vjeçare, zbuloi se si u zhdukën pasi filloi të merrte medikamente.

Duke folur për Bored Panda, përcjell Telegrafi, gruaja e cila u identifikua vetëm nga nofka e saj në Imgur, Sierra, dhe mendohet të jetë i bazuar në SHBA, përshkruan se si në fillim ajo ishte e frikësuar nga prania e tyre.

“Ata flinin me mua çdo natë, në mënyrë që unë të mos i kisha frikë ata, por kur për herë të parë ata u zvarritën në shtrat me mua ishte e frikshme”.

Sidoqoftë, sapo u mësua, ajo shpejt krijoi një lidhje të ngushtë me ta.

“Ishte sikur të kishe një mbërthim ndërmjet miqsh. Bisedonim, këndonim, notonim, hanim,…”, citohet të ketë thënë ajo.

Madje, Sierra zbuloi gjithashtu se miqtë e saj imagjinar e ndihmonin atë me punën e saj në shkollë.

“Unë flisja me ta gjatë gjithë kohës, më thoshin përgjigjet për pyetjet e testimit, më flisnin për jetën jashtë tokës, më ndihmonin të zhvillohesha si person dhe të kuptoja të tjerët dhe veten time. Ata ishin një pjesë e madhe e jetës sime”.

Megjithatë, pasi miqtë imagjinar të Sierra nuk ishin njerëzor, në një përpjekje për të ilustruar atë që ata dukeshin, ajo bëri disa skica të çdo karakteri.

Sierra gjithashtu tha se ata përdorën telepatinë për të komunikuar.

Sidoqoftë, kur ajo u detyrua të merrte ilaçe, vizionet e saj u zhdukën dhe Sierra pranoi se i mungonte rehatia që miqtë e saj i ofruan.

“Mua me të vërtetë më mungojnë ata dhe dëshiroj të mendoj se janë të vërtetë. Ata vetëm janë duke më pritur diku tjetër”. /Telegrafi/