Arrihet marrëveshja, Roma siguron brazilianin Talisca

E publikuar: 30/04/2018 14:48
Rreshtat+- AShkronjat+- Printo
Share:

Roma është në pritje të ndeshjes së dytë gjysmëfinale në Ligën e Kampionëve ndaj Liverpoolit.

Giallorosët do të tentojnë të rikthejnë rezultatin për ta siguruar finalen e madhe të Kievit.

E arritja në gjysmëfinale i ka pasuruar shumë verdh e kuqtë që tani po pritet të bëjnë transferime të mëdha në verë.

Emri i parë që do t’i bashkohet Romës është mesfushori braziliani Anderson Talisca.

Ka qenë e përditshmja turke Fanatik që ka njoftuar se Roma ka arritur marrëveshje me agjentin e lojtarit.

Anderson Talisca (Photo /Getty Images)

Talisca është i huazuar te Besiktasi nga Benfica por klubi turk nuk do ta aktivizojë klauzolën për blerjen e lojtarit prej 21 milionë eurove.

Përveç Besiktasit, Talisca për skuadrat tjera ka klauzolë largimi prej 40 milionë eurove.

Roma është pajtuar të paguajë këtë shumë te Benfica për transferimin e brazilianit.

Përveç Romës në garë për lojtarin është edhe Manchester United, Arsenal, Monaco dhe Borussia Dortmund. /Telegrafi/