Aeroporti njofton për fluturimet e planifikuara për pesë ditët e ardhshme

E publikuar: 31/03/2020 15:49
Rreshtat+- AShkronjat+- Printo

Aeroporti Ndërkombëtar i Prishtinës “Adem Jashari”, ka njoftuar për fluturimet e planifikuara për datat 1 deri 5 prill.

Përmes një njoftimi në faqen zyrtare, ANP’ja ka bërë me dije se gjatë këtyre ditëve do të organizohen nentë fluturime. Të gjitha fluturimet do të operohen me udhëtarë vetëm në shkuarje.

“Për bileta dhe ndonjë ndryshim eventual në nisjet e planifikuara, ju lutemi të jeni në kontakt me kompanitë ajrore apo përfaqësuesit e tyre”, thuhet në njoftim.