Abortet në Shqipëri, kryesojnë 18-vjeçaret

E publikuar: 13/07/2022 13:56
Rreshtat+- AShkronjat+- Printo
Share:

Pjesa e madhe e aborteve në Shqipëri po kryhen nga adoleshentët. Sipas të dhënave nga Instituti i Statistikave, te vajzat 18-vjeçare ndodhin 140 ndërprerje shtatzënie për çdo 1 mijë lindje të gjalla.

“Kryesisht, shkak është mosha e re”, thotë gjinekologu Ernald Zeqja. “Nuk janë të përgjegjshëm, nuk e shikojnë veten si baba ose nënë e ardhshme. Kryesisht janë vendime që merren nga të dy partnerët”.

Ulja e moshës së kontaktit seksual është sipas mjekëve gjinekologë një tjetër arsye e shtimit të aborteve te vajzat adoleshente.

“Me hapjen, me lirinë që ne kemi këto vite, patjetër që kjo moshë është ulur. Dhe kjo ka edhe problemet e veta”, thotë Zeqja. “Një gjë tjetër që vërej është mungesa e informacionit. Dikur kishte shumë organizata që merreshin me informimin mbi kontracepsionin. Tani nuk ka”.

Ndryshe nga popullata në përgjithësi, abortet te vajzat e reja kanë një specifikë. “Abortet tek adoleshentët ndodhin bile në familje të miredukuara, të mirarsimuara dhe me të ardhura ekonomike të mira”, thotë Zeqja./A2/

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!