Behgjet Pacolli thotë se AKR me LDK-në do të bashkëpunojnë qofshin në qeveri apo opozitë.
Kandidati për President të Kosovës, Behgjet Pacolli ka thënë se lista e LDK-AKR e ka të sigurt vendin e dytë në këto zgjedhje.
“Programi i LDK-së është program që i nevojitet Kosovës në këtë kohë. Ky program në të ardhmen do të jetë program qeverisës”, tha Pacolli në “Debat Plus”.
Pacolli ka folur edhe për situatën e krijuar në Kosovë pas zgjedhjeve të vitit 2017 kur AKR kishte zhbllokuar situatën duke iu bashkuar koalicionit PAN.
“Isa Mustafa në atë kohë e ka mirëkuptuar lëvizjen time. Ai ma ka thënë që është më i rëndësishëm interesi i Kosovës se i partive”, tha ai, përcjell Telegrafi.
Pacolli thotë se gabim ishte që në vitin 2019 LDK e AKR nuk shkuan në një koalicion të përbashkët.
“Gabim i madh që nuk shkuam në koalicion me LDK-në në vitin 2019. Po të ndodhte ai koalicion, LDK do të ishte e para dhe do ta merrte qeverinë. Këto probleme nuk do të kishin ndodhur me atë koalicion”, tha Pacolli./Telegrafi/
