Sulmuesi i Interit, Romelu Lukaku, është duke kaluar nëpër një formë të jashtëzakonshme në Serie-A dhe deri më tani ka realizuar shtatë gola në nëntë ndeshje, përcjell KosovaPress.
Forma e tij e mirë me “Neroazzurrët” ka bërë që ai të tërheq interesimin nga disa skuadra të mëdha evropiane.
Sipas “The Telegraph”, janë drejtuesit e Manchester Cityt ata të cilët kanë shprehur interesim për shërbimet e sulmuesit nga Belgjika.
Madje, mësohet se “Cityzens” kishin kontaktuar me Interin në afatin kalimtar të verës së kaluar për të parë mundësine e transferimit të tij në “Etihad” stadium.
Romelu Lukaku u transferua te Interi nga Manchester United për 90 milionë euro.
