Zyrtare: Simeone i dashuruar me Atleticon, vazhdon kontratën edhe për tri vite

E publikuar: 14/02/2019 19:00
Rreshtat+- AShkronjat+- Printo

Diego Simeone nuk do të lëvizë nga pozita e trajnerit të Atletico Madridit.

Trajneri argjentinas ishte një objektiv i Chelseat dhe Interit, por këto dy skuadra duhet të shikojnë tjera opsione.

Argjentinasi ka vazhduar zyrtarisht kontratën e tij me Atletico Madridin deri në verën e vitit 2022.

Simeone është pjesë e Atleticos që nga viti 2011 ku ka arritur të fitojë gjashtë trofe.

Diego Simeone. (Foto: Aitor Alcalde/Getty Images/Guliver)

Me Simeonen në krye të skuadrës, Atletico Madrid ka fituar një herë La Ligan, një herë Kupën e Mbretit, dy Liga të Evropës si dhe dy Superkupa evropiane.

Atletico Madrid kishte vendosur që ta bënte publike vazhdimin e kontratës me trajnerin pikërisht më 14 shkurt siç njihet ndryshe si dita e të dashuruarve.

Në mbishkrimin e videos së publikuar, klubi spanjoll ka shkruar: “Në dashuri me Atleticon”.

48-vjeçari edhe gjatë karrierës së tij si futbollist kishte luajtur për Atleticon në dy periudha të ndryshme, nga viti 94-96 dhe në fundin e karrierës së tij 2003-2005. /Telegrafi/