Milani ka njoftuar se mbrojtësi i talentuar italian, Davide Calabria, ka rinovuar kontratën e tij të plotë deri në verën e vitit 2022.

Marrëveshja e 21-vjeçari italiane do të skadonte në fund të sezonit të ardhshëm, por ai ka nënshkruar një zgjatje trevjeçare me kuqezinjtë.

Është vet klubi Rossoner që ka njoftuar rinovimin e kontratës me talentin italian, i cili është edhe reprezentues i Italia U-21.

Calabria gjatë një ndeshje ndaj Lazios (Getty Images)

Sot (e enjte), drejtori i klubit, Marco Fassone, dhe drejtori sportiv, Massimiliano Mirabelli morën pjesë në festën e Krishtlindjeve të ekipit të të rinjve dhe ata shfrytëzuan rastin për të njoftuar rinovimin e Calabrias.

“Davide Calabria ka rinovuar kontratën e tij me klubin deri në 30 qershor 2022”, konfirmoi klubi Diavolo në Twitter, së bashku me një foto të mbrojtësit që mbante një fanellë me vitin 2022.

Marco Fassone, alla festa di Natale del Settore Giovanile annuncia: “Davide Calabria ha rinnovato fino al 2022!”@davidecalabria2 has renewed his contract with the Club through to 30th June 2022 ❤⚫ pic.twitter.com/FjtqCp53kn

— AC Milan (@acmilan) December 14, 2017

Calabria është “shumë krenar” që ka nënshkruar një kontratë të re me Milanin deri në 2022, pasi erdhi në ekipin e parë përmes akademisë së të rinjve të klubit.

“Jam shumë krenar për këtë rinovim të kontratës dhe shpallja e saj në festën e Krishtlindjeve të sektorit të të rinjve ishte thjesht e pabesueshme”, ka thënë fillimisht Calabria.

Calabria gjatë ndeshjes së fundit ndaj Milanit në kupë ndaj Veronas (Getty Images)

“Historia ime me këtë klub është diçka e mrekullueshme. Mbaj mend të gjitha festat e Krishtlindjeve që kisha këtu në Milano, por sot do të rrinë me mua”.

“Shpresoj të shoh këta djem në ekipin e parë me mua brenda pak vitesh”, përfundoi i lumtur talenti italian. /Telegrafi/