Klubi i njohur gjakovar, Vëllaznimi ka emëruar Ismet Munishin si trajner të ri të skuadrës së tyre.
Vëllaznimi ishte pa trajner kohëve të fundit pasi mitrovicasi Gani Sejdiu u largua para dy javësh.
Megjithatë, drejtuesit e klubit kuqezi nuk nxituan për emërimin e ndonjë trajneri të ri deri në gjetjen e njeriut ideal.
Kështu, Vëllaznimi sot (e diel) gjatë ditës ka zyrtarizuar trajner të ri Ismet Munishin.
Për Munishin ky është një rikthim te klubi nga Gjakova, ku e drejtoi për shumicën e sezonit të kaluar.
Munishi me kryetarin e klubit, Agim Cana
“Sot në zyrat e klubit të Vëllaznimit, kryetari Agim Cana ka arritur marrëveshje me Trajnerin e mirënjohur z.Ismet Munishin që të jetë kryetrajner i KF Vëllaznimit”.
“Urime Ismet Munishi suksese në vazhdim. Me respekt KF Vëllaznimi”, thuhet në njoftimin e klubit në Facebook.
Për Munishin kjo do të jetë aventura e dytë në Ligën e Parë, pas asaj me Besën këtë fillim sezoni, ku qëndroi vetëm pesë javë në krye të klubit pejan. /Telegrafi/
