Julen Lopetegui nuk është më trajner i Spanjës, pasi presidenti i federatës spanjolle të futbollit, Luis Rubiales, e largoi nga puna në konferencë shtypi.
Tani është zyrtare dhe vendin e tij do ta zë Fernando Hierro, i cili ishte drejtori i kombëtares.
Trajneri i ri do të shfaqet para mediave në orën 17.30.
“Ne kemi qenë të detyruar të bëjë pa Lopetegui”, ka thënë presidenti. Julen Lopetegui u zgjedh trajner i Real Madridit dhe kjo ka bërë që ai të largohet menjëherë nga puna.
OFICIAL | Fernando Hierro asumirá el cargo de seleccionador nacional durante el Campeonato del Mundo de Rusia. https://t.co/g576TRpp3D
— Selección Española de Fútbol (@SeFutbol) June 13, 2018
Kjo pasi drejtuesit e federatës nuk kanë qenë të informuar për asnjë hap të trajnerit edhe pse kishte kontratë deri në vitin 2022.
Hierro është legjendë e futbollit spanjoll.
Ai ka luajtur te Real Madridi për 14 vite, ndërsa ka bërë karrierë edhe me klube si Valladolid dhe Bolton.
Ai me Spanjën ka 89 ndeshje dhe ka shënuar 29 gola. /Telegrafi/
