Zyrtare: Apple tashmë kompani 1 trilion dollarëshe

E publikuar: 05/08/2018 04:41
Rreshtat+- AShkronjat+- Printo

Apple ka pasur një performancë të shkëlqyer ditët e fundit sidomos pas publikimit të raportit pozitiv financiar për tre mujorin e fundit.

Ndërsa Yahoo Finance thotë se Apple vlerësohet aktualisht me 1 trilion dollarë, kompania ende nuk ka konfirmuar.

Vlera e aksioneve arriti sot në 206 dollarë duke vlerësuar kompaninë me 1.017 trilion dollarë në këtë momente që shkruajmë.

Kështu Apple bëhet kompania e parë që arrin këtë vlerë tregu, një objektiv më tepër simbolik sesa strategjik.

Ky objektiv ka qenë në shënjestrën e Apple që nga viti i kaluar kur lançoi iPhone X.

Megjithatë shitjet larg pritshmërive ndikuan negativisht në vlerën e aksioneve duke lënë kompaninë në vend.

Ndjekësi më i afërt i kompanisë është Amazon me 860 miliardë dollarë vlerë tregu ndjekur nga Google dhe Microsoft. /CIO Albanian