Janë prezantuar pamjet e rralla që nuk ishin parë më parë, të realizuar në një bregdet në Sydney të Australisë.
Aty shfaqen zhytëset, që ishin bërë pjesë e një organizate që merrej me mbrojtjen e gjallesave të ujit, transmeton Telegrafi.
Megjithëse thuhej se ato kanë notuar me peshkaqen, rraxha dhe krijesa tjera të rrezikshme, e tëra që shihet pranë tyre është vetëm një breshkë.
Videoja e postuar më poshtë, tregon projektin e viteve të 60-ta, ku shihen edhe veshjet e pjesëmarrëseve që për kohën ishin shumë në modë. /Telegrafi/