Zhgënjimi me drejtësinë

17.07.2019 18:41
Rreshtat+- AShkronjat+- Printo
Zhgënjimi me drejtësinë

Njohësit e çështjeve juridike thonë se sistemi gjyqësor i Maqedonisë së Veriut ka marr një godite shumë të rëndë, pas dyshimeve të ngritura nga Prokuroria për Krim të Organizuar, për përfshirjen e mundshme të ish-kryeprokurores speciale, Katica Janeva, në një rast të ryshfetit dhe shantazhit.

Ekspertët thonë se nuk mund të flitet për reforma në drejtësi dhe as për kthimin e besimit të qytetarëve në institucionet e drejtësisë, derisa personat që kanë kryer vepra penale, të mos përballen me ligjin.

Por, Brukseli zyrtar përmes ambasadorit të Bashkimit Evropian, Samuel Zhboggar, ka kërkuar nga institucionet në Shkup, që ta zgjidhin statusin e Prokurorisë Speciale Publike, që drejtohej nga Janeva, e cila dha dorëheqje më herët gjatë kësaj jave.

Zhbogar deklaroi se dorëheqja e Katica Janevës duhet të nxisë liderët politikë që të arrijnë sa më shpejt marrëveshje për statusin e Prokurorisë Speciale Publike.

“Presim që të zgjidhet çështja e funksionimit të zyrës së Prokurorisë Speciale Publike. Me dorëheqjen prokurores Katica Janeva, bëhet trysni shtesë dhe përgjegjësi ndaj liderëve politikë dhe ndaj Kuvendit që të gjejnë zgjidhje”, ka theksuar ambasadori i BE-së në Shkup, Samuel Zhbogar.

Por, ekspertët juridikë thonë se kredibiliteti i Prokurorisë Speciale është sulmuar në masë të madhe, pas dyshimeve të ngritura nga Prokuroria për Krim të Organizuar, për përfshirjen e mundshme të ish-kryeprokurores speciale Katica Janeva, në një rast të ryshfetit dhe shantazhit.

Njohësi i çështjeve juridike, Naser Ziberi, thotë për Radion Evropa e Lirë se Prokuroria Speciale publike nuk tregoi as rezultate minimale sa i përket goditjes së strukturave kriminale.

“Ndoshta do të jetë mirë që zgjidhja e këtij problemi të bëhet në pako me Prokurorinë e Përgjithshme të vendit dhe të bëhet inkorporimi i këtij institucioni në kuadër të Prokurorisë së Përgjithshme sepse kredibiliteti i këtij institucioni dukshëm është dobësuar dhe qytetarët kanë humbur besimin se ky institucion do të arrijë të luftojë kriminalitetin në qarqe të larta”, thotë Ziberi.

Ai thekson se Prokuroria Speciale do ta ketë shumë të vështirë që të rikthejë bisedimin e qytetarëve, veçanërisht sipas tij, nëse vazhdon të ketë këtë përbërje.

“Këtij institucioni i duhen ndryshime rrënjësore kadrovike, por edhe përforcim të Gjykatës Speciale sepse Prokuroria Speciale pa një Gjykatë Speciale, mbetet vetëm dëshirë për të luftuar kriminalitetin në instanca të larta”, thotë Ziberi.

Në anën tjetër, avokati Zvonko Davitkoviq, njohës i çështjeve juridike, thotë për Radion Evropa e Lirë se sistemi i drejtësisë duket qartë se është shumë larg reformave. Sipas tij, Prokuroria Speciale Publike nuk ka përmbushur as minimumin e misionit, mbi të cilin u themelua.

“Nga e gjithë ajo që mësuam dje, nëse dëshmohet se është e vërtetë, atëherë qartazi bëhet fjalë për një turp të madh, në të cilin ndodhet sistemi i drejtësisë në Maqedoninë e Veriut. Nëse Prokuroria Speciale u formua si institucion sepse nuk funksiononte apo kishte çalime të mëdha në Prokurorinë e Rregullt Themelore dhe të gjithë prisnin që të vihet drejtësia në vend përmes Prokurorisë Publike, duket qartë se me këto dyshime për drejtuesen e këtij institucioni, po pëson debakël edhe besimi i qytetarëve për sundimin e ligjit”, thotë Davitkoviq.

Ndërkohë, kryeministri i Maqedonisë së Veriut, Zoran Zaev në një konferencë për media tha se vazhdon të besojë në sistemin gjyqësor dhe kërkoi të respektohet prezumimi i pafajësisë, derisa të mos zbardhet i gjithë rasti, lidhur me dyshimet për përfshirjen e ish-kryeprokurores Janeva në shantazhimin e një biznesmeni

“Besoj se kushdo që ka gabuar duhet të përgjigjet. Kjo është ajo që besoj. Vetëm kështu mund të sjellim drejtësinë”, theksoi Zaev.

Një nga shtyllat më kryesore, në bazë të së cilës Brukseli do ta vlerësojë Shkupin lidhur me caktimin e datës për nisjen e bisedimeve për anëtarësim në BE është përcaktimi i statusit të Prokurorisë Speciale Publike, mandati i së cilës përfundon në muajin shtator.

Prokuroria Speciale Publike u formua më 2015 kishte për detyrë të hetojë aferën e përgjimeve, që ishte publikuar në shkurt të po atij viti nga lideri i atëhershëm i opozitës, Zoran Zaev, tash kryeministër i vendit. Gjatë kësaj periudhe, Prokuroria Speciale ka ngritur 17 padi penale kundër 94 personave, përfshirë edhe ndaj ish-kryeministrit Nikolla Gruevski, i arratisur në Hungari, për t’i ikur vuajtjes së dënimit prej dy vjet burgim.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Pas 22 rasteve të reja me COVID-19 në Vushtrri, reagon kryetari Tahiri

Pas 22 rasteve të reja me COVID-19 në Vushtrri, reagon kryetari Tahiri

Cakaj bisedë telefonike me katër homologët e tij evropianë

Cakaj bisedë telefonike me katër homologët e tij evropianë

Haziri: Tri rastet e reja me Covid-19 janë kontakte familjare me të infektuarin e para tri netësh

Haziri: Tri rastet e reja me Covid-19 janë kontakte familjare me të infektuarin e para tri netësh

500 raste aktive me Covid-19 në Kosovë

500 raste aktive me Covid-19 në Kosovë

Shërohet pacienti i fundit i infektuar me COVID-19 nga Malisheva

Shërohet pacienti i fundit i infektuar me COVID-19 nga Malisheva

​Rikthehet koronavirusi në Mal të Zi

​Rikthehet koronavirusi në Mal të Zi

Tërmet i fuqishëm në Turqi/ Shemben ndërtesat, ka humbje jete

Tërmet i fuqishëm në Turqi/ Shemben ndërtesat, ka humbje jete

Spanja hap kufijtë në qershor për shumicën e vendeve evropiane, përfshirë edhe Britaninë

Spanja hap kufijtë në qershor për shumicën e vendeve evropiane, përfshirë edhe Britaninë

Mjeku kosovar preket me coronavirus, izolohen tri infermiere

Mjeku kosovar preket me coronavirus, izolohen tri infermiere

Anulohet fluturimi i nesërm Cyrih-Prishtinë

Anulohet fluturimi i nesërm Cyrih-Prishtinë

Vizitën e Lajçakut analistët e shohin si përpjekje të BE-së për ta rimarrë rolin në dialog

Vizitën e Lajçakut analistët e shohin si përpjekje të BE-së për ta rimarrë rolin në dialog

Ferhat publikon për herë të parë foto me djalin, ju ‘shkrijnë’ me pamjen

Ferhat publikon për herë të parë foto me djalin, ju ‘shkrijnë’ me pamjen

Gjendet e vdekur një 20-vjeçare në Deçan, policia po e heton rastin

Gjendet e vdekur një 20-vjeçare në Deçan, policia po e heton rastin

Lideri i opozitës serbe thotë se Vuçiq po përgatitë Serbinë për njohjen e Kosovës

Lideri i opozitës serbe thotë se Vuçiq po përgatitë Serbinë për njohjen e Kosovës

Pse Bavaria i trajton shtetasit e Kosovës si shtetas serbë?

Pse Bavaria i trajton shtetasit e Kosovës si shtetas serbë?

Iu vdiqën tre fëmijët në aksident, pas një viti çifti lind trenjakë

Iu vdiqën tre fëmijët në aksident, pas një viti çifti lind trenjakë