Në pjesën ku janë duke vazhduar punimet për autostradën Prishtinë-Gjilan, është mbledhur një pjesë e ujit që ka marrë formë liqeni.
Banorët e Zhegovcit thonë se është një burim natyral, i cili është krijuar muaj më parë kur është gërmuar për punimet në rrugë e i cili ka shterrur një tjetër vend ku mblidhej uji diku në fshat.
Ndërkaq kërkesa e tyre është që të shfrytëzohet uji për nevojat e fshatit e të kalimtarëve.
Sipas kompanisë që kryen punimet, pjesa e ujit do të lokalizohet e do të vazhdohen punimet.
