Zërat për zgjedhje të parakohshme u heshtën me riformatimin e Qeverisë

30.06.2019 15:56
Rreshtat+- AShkronjat+- Printo
Zërat për zgjedhje të parakohshme u heshtën me riformatimin e Qeverisë

Qeveria e Maqedonisë së Veriut që drejtohet nga kryeministri Zoran Zaev, me gjasë do të përfundojë mandatin pa zgjedhje të parakohshme parlamentare, që shumë herë ishin përmendur si mundësi nga vetë kreu i Qeverisë.

Me riformatimin e Qeverisë, që u votua të enjten në mbrëmje, është përjashtuar mundësia e zgjedhjeve sikur edhe ajo e një qeverie krejt të re me kryeministër të ri. Zaev, para deputetëve, ka theksuar përkushtimin e tij për të vazhduar me kursin e reformave.

“Unë jam i bindur se deri në fund të vitit, në dhjetor, kemi shanse të mëdha që të bëhemi anëtare e NATO-së. Jam i bindur se do t’i hapim edhe bisedimet me BE-në. Do të përkushtohemi maksimalisht edhe në përmbushjen e reformave”.

“Kisha paralajmëruar ndryshime dhe ato po ndodhin në përputhje me pritjet dhe perceptimin e qytetarëve. Përveç në Qeveri, ndryshime do të ketë edhe në drejtoritë dhe ndërmarrjet publike. Besoj se rezultatet nuk do të mungojnë”, ka deklaruar kryeministri, Zoran Zev.

Riformatimi i Qeverisë ka përfshirë pesë ministri, të ekologjisë, bujqësisë, financave, pushtetit lokal, ndërsa ministria e re e sistemit politik, zëvendëson sekretariatin për zbatimin e Marrëveshjes së Ohrit. Disa prej ministrave nuk janë shkarkuar, por kanë kaluar në pozita apo resorë të tjerë.

Opozita, nga ana tjetër, nuk beson se Qeveria do të arrijë t’i zbatojë reformat e nevojshme. Ajo ka thënë se është e gatshme të japë kontributin e saj për afrimin e vendit drejt Bashkimit Evropian, por me qasjen e saj, Qeveria, sipas deputetit Aleksandar Nikollovskit, nuk është aspekt reformues, përkundrazi me politikat që po udhëheq kjo Qeveri, vështirë se do të mund të marrë datën e nisjes së bisedimeve për anëtarësim në BE.

“Për fat të keq, përshtypja e përgjithshme është se Maqedonia dy vite radhazi nuk po merr datën për fillimin e bisedimeve pasi Qeveria e Zaevit nuk po i zbaton reformat. Nuk po i zbaton reformat në luftën kundër korrupsionit, nuk po e përmirëson ekonominë dhe nuk po vendos sistem funksional në sundimin e së drejtës. Ekonomia çdo ditë e më tepër po fundoset, korrupsioni po lulëzon dhe nuk kemi një sistem të qëndrueshëm të drejtësisë”, thotë Nikollovski.

Aleanca për Shqiptarët në opozitë, riformatimin e Qeverisë e ka quajtur komedi dhe aktrim, ndërsa ka përsëritur kërkesën për zgjedhje të parakohshme për të larguar, siç ka thënë, Qeverinë kriminale.

Edhe njohësit e çështjeve politike kanë drejtuar kritika në adresë të Qeverisë për ngecjen e reformave, para së gjithash për shkak të pritjeve të mëdha, që, sipas tyre, kanë pasur qytetarët pas ndërrimit të pushtetit, dy vjet më parë.

“Kuptohet e para ka të bëjë me sundimin e së drejtës, që ende nuk është në nivelin që ishte premtuar. Opinioni ka pritur shumë më tepër dhe ishte pikërisht politizimi i këtij pushteti që kishte çuar në rënien e Qeverisë së kaluar. Së dyti kemi ngecjen e reformave tjera që kanë të bëjnë me afrimin e vendit drejt strukturave euroatlantike, por edhe çështjet e ekonomisë, ku po ashtu kishim premtime të shumta, ndërsa gjendja nuk është e favorshme”, vlerëson analisti politik, Petar Arsovski.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Shkarkimi i bordit të Telekomit, Hoti paralajmëron: Ky ishte vetëm fillimi

Shkarkimi i bordit të Telekomit, Hoti paralajmëron: Ky ishte vetëm fillimi

AGK: Kryeministri Rama nis fushatë degraduese edhe ndaj medieve në Kosovë

AGK: Kryeministri Rama nis fushatë degraduese edhe ndaj medieve në Kosovë

Hasani: Kurti duhet të merret edhe me zyrtarët serbë që marrin paga, pa shkuar asnjë ditë në punë

Hasani: Kurti duhet të merret edhe me zyrtarët serbë që marrin paga, pa shkuar asnjë ditë në punë

Veliu: Anëtarësimi në INTERPOL dhe EUROPOL mbetet prioritet i imi si ministër

Veliu: Anëtarësimi në INTERPOL dhe EUROPOL mbetet prioritet i imi si ministër

Haradinaj: Albin Kurti ka shfuqizuar vendimet e Isa Mustafës

Haradinaj: Albin Kurti ka shfuqizuar vendimet e Isa Mustafës

Të enjten, shi dhe borë – çfarë moti do të kemi në Kosovë gjatë ditëve pasuese?

Të enjten, shi dhe borë – çfarë moti do të kemi në Kosovë gjatë ditëve pasuese?

Pas reagimit të “Maraklive t’kerreve” BQK premton lehtësira për sigurimin e veturave

Pas reagimit të “Maraklive t’kerreve” BQK premton lehtësira për sigurimin e veturave

PSD: Kurti do ta menaxhojë pak më mirë korrupsionin, por nuk do ta transformojë sistemin

PSD: Kurti do ta menaxhojë pak më mirë korrupsionin, por nuk do ta transformojë sistemin

Bulizmi i pranishëm në të gjitha nivelet e sistemit arsimor në Kosovë

Bulizmi i pranishëm në të gjitha nivelet e sistemit arsimor në Kosovë

Serbia arreston pesë persona për trafikim me migrantë

Serbia arreston pesë persona për trafikim me migrantë

Haradinaj: Ky është qëndrimi im dhe i AAK-së për dialogun me Serbinë

Haradinaj: Ky është qëndrimi im dhe i AAK-së për dialogun me Serbinë

Shoqata e prokurorëve: Kërcënimet nuk na lëkundin

Shoqata e prokurorëve: Kërcënimet nuk na lëkundin

Qeveria themelon Këshillin Organizativ për shënimin e Epopesë së UÇK-së

Qeveria themelon Këshillin Organizativ për shënimin e Epopesë së UÇK-së

Qeveria Kurti shkarkon bordin drejtus të PTK’së

Qeveria Kurti shkarkon bordin drejtus të PTK’së

Policia e Kosovës dhe institucionet kompetente janë duke kryer hetime intensive lidhur me rastin në Gjilan

Policia e Kosovës dhe institucionet kompetente janë duke kryer hetime intensive lidhur me rastin në Gjilan

12 vite burgim dhe 10 mijë euro dy të akuzuarve për grabitje

12 vite burgim dhe 10 mijë euro dy të akuzuarve për grabitje