Deputeti i LSDM-së Muhamet Zekiri, i ftuar në emisionin Pressing të T7, ka folur për raportet e kryeministrit të Maqedonisë Zoran Zaev dhe kryeministrit të ardhshëm të Kosovës Albin Kurti, duke thënë se ka një lidhje ideologjike mes tyre.
Ai madje ka treguar se si Edi Rama, vite më parë ka parashikuar fitoren e Albin Kurtit në zgjedhjet parlamentare dhe se i njëjti ka folur fjalë shumë të mira për potencialin, bindjen dhe karakterin e Albin Kurtit.
“Vetëvendosja dhe Albini është majtistë. Zaev e ka ditur se duhet të jetë një nga të parët për ta uruar fituesin. Unë kam qenë afër Zaevit dhe gjithmonë e kam njoftuar për zhvillimet në Kosovë. E kam ditur se do të fitojë Albini e me të vërtetë ashtu ka dal. Ne ishim në një takim, ishte Kurti, Limaj dhe të gjitha partitë tjera të të majtës evropiane. ishim në një drek, në një bisedë të lirë ku ishim më shumë se 10 persona, përfshirë edhe Kurtin dhe Grubin, u hap temë e lirë, dhe EdiRama në një moment na u drejtua dhe na tha se kush nga ju do të vë bast se Kurti do të bëhet kryeministër i Kosovës në vitin 2019 dhe 2020. Ai fliste fjalë shumë të mira për zotrin Kurti”/Express/
