Zëdhënësi i Qeverisë: Kurti do ta luajë rolin e tij kushtetues deri në zgjedhjen e kryeministrit të ri

09.04.2020 21:33
Rreshtat+- AShkronjat+- Printo
Zëdhënësi i Qeverisë: Kurti do ta luajë rolin e tij kushtetues deri në zgjedhjen e kryeministrit të ri

Kryeministri në detyrë, Albin Kurti, ka prezantuar në Bashkimin Evropian idenë për formimin e dy ekipeve negociatore për dialogun Kosovë-Serbi. Njërin përfaqësues politik e tjetrin profesional e këshillues.

Por i menjëhershëm ka qenë reagimi i Presidencës, në të cilin thuhet se kryeministri në largim nuk është konsultuar me presidentin Hashim Thaçi si udhëheqës i politikës së jashtme.

Madje nga presidenca kanë thënë se Kurti nuk e ka as legjitimitetin politik për të udhëhequr me dialogun pasi që vlerësojnë se është i shkarkuar nga Kuvendi.

Por zëdhënësi i Qeverisë në detyrë, Përparim Kryeziu në një prononcim për KosovaPress, ka thënë se një ide e tillë buron nga kompetencat dhe përgjegjësitë Kushtetuese të cilat i ka kryeministri i Republikës së Kosovës, por në të njëjtën kohë është mbështetur edhe nga aktgjykimi i Gjykatës Kushtetuese i qershorit të vitit të kaluar.

Kryeziu ka deklaruar se Kurti do të vazhdojë të luajë rolin e tij kushtetues deri në zgjedhjen e kryeministrit të ri.

Ai madje u ka bërë ftesë të gjitha institucioneve që janë të përfshira në ekipet negociatore që të jenë pjesë punës së përbashkët.

“Për aq kohë sa kryeministri Kurti vazhdon të jetë në detyrë dhe në zyrë ai patjetër sillet si kryeministër, deri në zgjedhjen e kryeministrit të ri. Këto propozime e sugjerime, e ide janë në kuadër të përgatitjeve paraprake për rifillimin e dialogut ashtu që këto t’i shërbejnë dialogut kurdo që ai të jetë i gatshëm që të rifillojë. Dhe propozimet janë përfundimisht në kuadër të kompetencave të kryeministrit të Republikës së Kosovës dhe ne bëjmë ftesë që të gjitha institucionet të cilat janë të përfaqësuara të përfshira në këto ekipe të jenë pjesë e këtyre ekipeve bashkë me partitë politike ashtu që të krijojmë një pajtueshmëri të gjerë politike dhe përfundimisht njëherë e përgjithmonë të përfaqësohemi me një zë sa i përket çështjeve të rëndësisë nacionale”, tha ai.

I pyetur se a është konsultuar Kurti paraprakisht me të apostrofuarit në këto ekipe, Kryeziu ka thënë se konsultat do të fillojnë tani.

Ai ka thënë se për dallim nga qeveria e kaluar, Kurti ka një ekip shumë më legjitim dhe kompetent, e të cilit do t’i prijë kryeministri i vendit, ndërsa presidenti dhe kryeparlamentari do të jenë pjesë përbërëse e ekipit.

“Propozimi ka ardhur si rezultat dhe si pasojë e përgjegjësive Kushtetuese që ka kryeministri i Republikës së Kosovës. Pas këtij prezantimi unë besoj që do të zhvillohen edhe takime diskutime me të gjithë ata që parashihen që të jenë pjesë e këtij ekipi. Ndonëse ne nuk mundemi që t’i kushtëzojmë që të jenë pjesë e këtij ekipi, por ne besojmë që kjo është hera e parë që formohet një ekip me përfaqësim ndërinstitucionale, ndërpartiak, i cili për dallim prej propozimit të qeverisë së kaluar, në vend që të ketë dy bashkëdrejtues ka një drejtues, dhe në vend se dy bashkëdrejtuesit të jenë kryetar komune e zëvendëskryeministër, ka një kryeministër si kryesues të këtij ekipi. Dhe për dallim prej atij propozimi në fakt ka edhe një kryeministër në përbërje i cili është i gatshëm që të marrë përgjegjësinë edhe që i takon, por edhe që obligohet nga Kushtetuta e Republikës së Kosovës”, tha ai.

Përveç presidentit edhe opozita po e kundërshton një ide të tillë, duke e vlerësuar Kurtin jolegjitim për të udhëhequr me dialogun.

Kryeministri në detyrë, i ka dërguar më 3 prill të dërguarit të posaçëm të BE-së për dialogun Kosovë Serbi, Miroslav Lajçak listën e ekipit negociator për dialogun me Serbinë.

Përbërja e ekipit është: Albin Kurti – kryeministër dhe udhëheqës i ekipit negociator, Hashim Thaçi – president, anëtar, Vjosa Osmani – kryetare e Kuvendit, anëtare, përfaqësuesi i LVV, anëtar, përfaqësuesi i LDK, përfaqësuesi i PDK, anëtar, përfaqësuesi i AAK-PSD anëtar, përfaqësuesi i NISMA-AKR anëtar, përfaqësuesi i Listës Serbe anëtar dhe përfaqësuesi i Grupit 6+, anëtar.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Schengeni mbetet i mbyllur deri më 15 qershor

Schengeni mbetet i mbyllur deri më 15 qershor

Pandemia rëndon edhe më shumë gjendjen e shqiptarëve të Luginës së Preshevës

Pandemia rëndon edhe më shumë gjendjen e shqiptarëve të Luginës së Preshevës

Ahmeti pas rasteve të reja: Të jemi edhe më tutje të kujdesshëm, ose na kthehen masat më të rrepta

Ahmeti pas rasteve të reja: Të jemi edhe më tutje të kujdesshëm, ose na kthehen masat më të rrepta

Edhe tetë raste me koronavirus në Kosovë, shërohen 31 pacientë të tjerë

Edhe tetë raste me koronavirus në Kosovë, shërohen 31 pacientë të tjerë

Turqi: Rreth 90 mijë njerëz shërohen nga koronavirusi

Turqi: Rreth 90 mijë njerëz shërohen nga koronavirusi

Studimi i ri: Virusi u përhap që në tetor

Studimi i ri: Virusi u përhap që në tetor

​Selimi: Pavarësia e sistemit tonë juridik është e domosdoshme

​Selimi: Pavarësia e sistemit tonë juridik është e domosdoshme

Një laborator privat në Prishtinë kryen ilegalisht teste për Covid-19

Një laborator privat në Prishtinë kryen ilegalisht teste për Covid-19

Epidemiologu kosovar: Koronavirusi do jetë më i butë nëse paraqitet prapë në vjeshtë

Epidemiologu kosovar: Koronavirusi do jetë më i butë nëse paraqitet prapë në vjeshtë

Xhamitë në Kosovë pritet të hapen në fazën e dytë të lehtësimit të masave

Xhamitë në Kosovë pritet të hapen në fazën e dytë të lehtësimit të masave

Kushtetuesja pritet të marrë vendim para 29 majit për dekretin e Thaçit

Kushtetuesja pritet të marrë vendim para 29 majit për dekretin e Thaçit

Rreth 45 mijë kërkesa për shtyrje të kredive nga kosovarët – vlera 1.3 miliardë euro

Rreth 45 mijë kërkesa për shtyrje të kredive nga kosovarët – vlera 1.3 miliardë euro

Thaçi: Presim nga BE’ja heqjen e vizave dhe dhënien e statusit të shtetit kandidat

Thaçi: Presim nga BE’ja heqjen e vizave dhe dhënien e statusit të shtetit kandidat

Koronavirusi rrit interesimin e qytetarëve për pagesat online

Koronavirusi rrit interesimin e qytetarëve për pagesat online

Sovraniteti formë demokratike që buron nga populli

Sovraniteti formë demokratike që buron nga populli

Hyri ilegalisht nga Serbia në Kosovë

Hyri ilegalisht nga Serbia në Kosovë