Wisner: Marrëveshja Kosovë-Serbi hap perspektivë për të dy vendet

30.03.2019 16:53
Rreshtat+- AShkronjat+- Printo
Wisner: Marrëveshja Kosovë-Serbi hap perspektivë për të dy vendet

Emisari special i SHBA-së në Grupin e Kontaktit për Kosovën, Frank Wisner, siç raportojnë medie serbe, mendon se edhe pas më shumë se dhjetë vjetësh qëkur Grupi i Kontaktit u përpoq ta zgjidhë çështjen e Kosovës, situata nuk u ndryshua edhe pse në vitin 2008 Kosova shpalli pavarësinë e vet.

Wisner, megjithatë mendon se nuk duhet vënë afate për marrëveshjen përfundimtare ndërmjet Serbisë e Kosovës, por marrëveshja e qëndrueshme afatgjate e me kompromis duhet arritur me dialog.

“Po i vutë vetes afat, sigurisht se ato nuk do t’i përmbushni. Para se t’i vini vetes afat, më mirë është ta keni një ujdi strategjike se ç’qëllime dëshironi të arrini”, citon tanjug të ketë thënë Wisner.

Sipas agjencisë serbe të lajmeve, diplomati amerikan ka thënë se në vitin 2007, me gjermanin Wolfgan Ischinger dhe me rusin Aleksandar Botzan-Harchenko u përpoqën të arrinin te formula që do të kënaqte të dy palët, por kjo ishte pamundur, prandaj, siç citohet Wisner, “situata është ashtu siç e kanë lënë”, transmeton Koha.net.

“Marrëdhëniet e pazgjidhura ndërmjet Serbisë e Kosovës dhe situata e pazgjidhur pengon ambiciet e dy kombeve. Pengon zhvillimin e plotë të Kosovës dhe pengon vizonin serb të së ardhmes dhe mundësinë që me masë të plotë ta vazhdojë rrugën drejt BE-së”, ka thënë Wisner i cili gjatë kësaj jave ka qëndruar në Beograd dhe ka marrë pjesë në tubimin “Dialogët e Ballkanit”, kushtuar bisedimeve për problemet në rajon dhe për Kosovën.

Ai beson se mënyra e vetme që të shkohet përpara është marrëveshja e përbashkët e cila duhet të ketë përkrahje të fuqishme të BE-së por edhe të SHBA-së, ndërsa, sipas tij, për formën dhe përmbajtjen e marrëveshjes përgjegjës janë Beogradi e Prishtina.

“Kam shpresuar se Kosova e Serbia në një moment do të mundë të silleshin si të barabartë me të tjerët e me njëri-tjetrin, duke respektuar integritetin territorial dhe sovranitetin, se do të mundë të arrinin marrëveshje e të bashkëpunojnë për një Ballkan më të mirë dhe për këtë pjesë të Evropës. Nuk doli kështu dhe ne ende duhet të punojmë për këtë”, ka thënë ai.

Në këtë takim kanë marrë pjesë 45 veta e në të ka folur edhe presidenti i Serbisë, Aleksandar Vuçiq.

“Vuçiqi ka paraqitur pozicionin e vet dhe pikëpamjet për situatën lidhur me Kosovën. Patëm mundësinë të shtrojmë pyetje. Ky s’ishte takim në të cilin do të arrinim ndonjë përfundim e as vend për negociata, porse ai na e bëri me dije se personalisht është fokusuar në problemin e Serbisë e të Kosovës”, ka treguar pak për takimin Wisner i cili ka qenë i mbyllur për medie.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Shkup: Përmes rritjes së pagës minimale synohet të ruhet fuqia punëtore

Shkup: Përmes rritjes së pagës minimale synohet të ruhet fuqia punëtore

AP: Rusia e Serbia zotohen të forcojnë lidhjet, megjithë përpjekjen e Beogradit për t’iu bashkuar BE-së

AP: Rusia e Serbia zotohen të forcojnë lidhjet, megjithë përpjekjen e Beogradit për t’iu bashkuar BE-së

Guvernatori i BQK-së thotë se tarifa 100% ndaj mallrave serbe rriti çmimet

Guvernatori i BQK-së thotë se tarifa 100% ndaj mallrave serbe rriti çmimet

Rruga drejt BE’së: Pengesat që ka Kosova

Rruga drejt BE’së: Pengesat që ka Kosova

Ndarja e milionave shtesë për Bechtel-ENKA, kërkohen hetime

Ndarja e milionave shtesë për Bechtel-ENKA, kërkohen hetime

NISMA prapë kërkon rinumërim të krejt votave, dënim të komisionerëve mashtrues

NISMA prapë kërkon rinumërim të krejt votave, dënim të komisionerëve mashtrues

Gani Krasniqi ftohet nga Gjykata Speciale

Gani Krasniqi ftohet nga Gjykata Speciale

Dorëheqja si Zaev? Ministri Cakaj: Kryeministri dhe unë s’kemi premtuar që do hapen negociatat

Dorëheqja si Zaev? Ministri Cakaj: Kryeministri dhe unë s’kemi premtuar që do hapen negociatat

Bie Qeveria, Zaev: Shkojmë në zgjedhje të jashtëzakonshme

Bie Qeveria, Zaev: Shkojmë në zgjedhje të jashtëzakonshme

Paralajmërimi i Rusisë pas fitores së Kurtit: Në pushtet po vijnë ultranacionalistët

Paralajmërimi i Rusisë pas fitores së Kurtit: Në pushtet po vijnë ultranacionalistët

Petroviq: 28 personave që kanë ‘votuar’ u kemi fotografuar varrezat si dëshmi që kanë vdekur, na kanë thënë ‘për ne janë gjallë’

Petroviq: 28 personave që kanë ‘votuar’ u kemi fotografuar varrezat si dëshmi që kanë vdekur, na kanë thënë ‘për ne janë gjallë’

Haziri thotë se koalicioni me Vetëvendosjen zyrtarizohet me t’u certifikuar zgjedhjet

Haziri thotë se koalicioni me Vetëvendosjen zyrtarizohet me t’u certifikuar zgjedhjet

BE refuzon Shqipërinë dhe Maqedoninë Veriore (VIDEO)

BE refuzon Shqipërinë dhe Maqedoninë Veriore (VIDEO)

Nëna e Astrit Deharit: 3 javë para se ta vrisnin, djali ma ka thënë këtë mesazh

Nëna e Astrit Deharit: 3 javë para se ta vrisnin, djali ma ka thënë këtë mesazh

Edi Rama e fajëson BE-në për moshapjen e negociatave për anëtarësim të Shqipërisë

Edi Rama e fajëson BE-në për moshapjen e negociatave për anëtarësim të Shqipërisë

Diplomati amerikan: Mund të ketë konferencë për marrëveshjen Kosovë -Serbi

Diplomati amerikan: Mund të ketë konferencë për marrëveshjen Kosovë -Serbi