WhatsApp sjell një tipar të ri të cilin e ka kopjuar nga Telegram

E publikuar: 04/07/2018 09:19
Rreshtat+- AShkronjat+- Printo

Është e zakonshme të flitet për Instagram, aplikacionin e shpërndarjes së fotove në pronësi të Facebook, që huazon nga Snapchat, por tani aplikacioni I bisedave i Facebook, WhatsApp, është duke tërhequr gjithnjë e më shumë risi nga aplikacione të tjera si Telegram. Këtë javë, WhatsApp shfaqi një tipar të ri për grupet e tij, që në thelb është një kopje e kanaleve të Telegramit – domethënë një transmetim  komunikimi me një drejtim.

Kanalet e Telegram janë të njohura për ngritjen e një transmetimi të lajmeve që lejon njerëzit që të regjistrohen për të marrë njoftime nga administratorët e kanalit, të cilët mund të jenë agjenci lajmesh, kompani, shkolla, grupe të interesit publik ose më shumë. Tani WhatsApp po shton funksionin për t’i dhënë aplikacionit  të mesazheve rastet e reja të  përdorimit.

Në të vërtetë, siç është shpesh rasti për WhatsApp, përdoruesit kanë adoptuar jo-zyrtarisht sjellje si kanale për disa kohë.  “Një arsye pse njerëzit përdorin grupet është që të marrin njoftime dhe informacione të rëndësishme, duke përfshirë prindërit dhe mësuesit në shkolla, qendra komunitare dhe organizata jofitimprurëse.

Ne kemi prezantuar këtë mjedis të ri në mënyrë që administratorët të kenë mjete më të mira për këto raste përdorimi, ” shkruante WhatsApp në një postim të shkurtër në blog.

Megjithatë, fakti se WhatsApp kërkon që përdoruesit të ofrojnë një numër telefoni për t’u bashkuar me grupet – numri i çdokujt mund të kërkohet nga çdo anëtar i grupit – është një çështje kur bëhet fjalë për krijimin ose bashkimin me grupet publike.

Telegram ka futur emrat e përdoruesve, të cilët e zbusin atë çështje. WhatsApp ka mbi 1.5 miliardë përdorues aktivë, prej të cilëve më shumë se 200 milionë janë në Indi, ndërsa Telegram arriti kohët e fundit 200 milionë përdorues aktivë në mbarë botën. /PCWorld Albanian