Një problem sigurie në aplikacionin e komunikimit WhatsApp ka lejuar hakerët të injektojnë një program përgjimi Izraelit në telefonë bëri të ditur kompania.
WhatsApp, aplikacion i cili përdoret nga 1.5 miliardë njerëz në mbarë botën, zbuloi në Maj se sulmuesit ishin të aftë të instalonin softuerë përgjimi në iPhone de Android.
Kodi i softuerit është zhvilluar nga kompania Izraelite NSO Group dhe mund të transferohet edhe tek përdoruesit të cilët nuk u përgjigjen telefonatave. Në shumë raste thirrje madje zhdukeshin nga regjistri i telefonave.
Të Dielën inxhinierët e WhatsApp garuan për të mbyllur problemin e sigurisë pasi duke përdorur këtë metodë ishte shënjestruar një avokat i të drejtave të njeriut në Britani.
Hulumtuesit në Universitetin e Torontos besojnë se sulmi me “spyware” ishte i lidhur me të njëjtin problem që WhatsApp po përpiqej të adresonte.
Produkti flagship i NSO është Pegasus, një program i cili mund të aktivizojë mikrofonin de kamerën e telefonit, të gërmojë brenda e-mail-eve dhe mesazheve dhe të grumbullojë të dhëna mbi vendndodhjen.
NSO reklamon produktet e saj tek Agjencitë Perëndimore të inteligjencës dhe atyre Lindjes së Mesme të cilat duan të luftojnë terrorizmin. Së fundi kompania u vlerësua me 1 miliardë dollarë.
Ditën e Hënë Facebook lëshoi një deklaratë duke u tërhequr vëmendjen përdoruesve të cilët duhet të përditësojnë aplikacionet. Problemi i sigurisë është ekzistent në këto versione:
- WhatsApp for Android para v2.19.134
- WhatsApp Business for Android para v2.19.44
- WhatsApp for iOS para v2.19.51
- WhatsApp Business for iOS para v2.19.51
- WhatsApp for Windows Phone para v2.18.348
- WhatsApp for Tizen para v2.18.15
WhatsApp është duke hetuar ngjarjen por nuk ka informacion sesa përdorues janë prekur. /PCWorld Albanian
