Arsene Wenger ka zbuluar se do të kthehet si trajner në fillim të vitit 2019, por nuk tregon emra të klubeve.
69-vjeçari ka qenë jashtë loje që prej largimit nga Arsenali në fund të sezonit të kaluar pasi kishte kaluar 22 vjet me klubin e Ligës Premier.
Francezi ka qenë i lidhur me pozitën vakante të Real Madridit pas shkarkimit të Julen Lopetegui, por një lëvizje drejt gjigantëve spanjoll duket e pamundur.
Ndërsa refuzoi të thotë se ku do të përfundojë, ai pranoi se një kthim në Angli do të ishte “i çuditshëm” duke marrë parasysh lidhjen e tij me Arsenalin.
“Sigurisht në fillim të vitit 2019”, tha ai për Sky Sport.
“Për momentin unë jam në pushim dhe e shikoj shumë futbollin. Kam thënë shumë herë se rikthimi më i mirë nuk do të ishte në Angli, sepse kam kaluar kaq shumë kohë në të njëjtin klub do të dukej e çuditshme të shkoj diku tjetër”.
“Por për momentin nuk mund t’ju tregoj [për të ardhmen time], sepse nuk e di”.
Wenger – Gattuso (Getty Images)
“Nuk e di ku do të jem, do të jem diku, por nuk e di ku”.
I pyetur nëse puna e tij e ardhshme do të ishte një klub apo kombëtar, Wenger u përgjigj se as këtë nuk e di pasi nuk ka vendosur ende. /Telegrafi/
