VV-ja dhe LDK-ja bëjnë hapin parë drejt arritjes së koalicionit

30.10.2019 18:50
Rreshtat+- AShkronjat+- Printo
VV-ja dhe LDK-ja bëjnë hapin parë drejt arritjes së koalicionit

Lëvizja Vetëvendosje dhe Lidhja Demokratike e Kosovës i kanë intensifikuar përpjekjet për përafrimin e programit qeverisës, si hap i parë drejt arritjes së koalicionit të ardhshëm.

Aktualisht, takimet po zhvillohen në nivelin e grupeve punuese, kurse faza tjetër e bisedimeve, parashihet të zhvillohet në nivelin e kryetarëve të partive, kur edhe pritet ndarja e ministrive dhe pozitave kryesore gjatë mandatit të ardhshëm qeverisës.

Ajo që deri më tani janë pajtuar në parim të dy partitë, është se qeveria duhet të udhëhiqet nga kryeministri që vjen nga radhët e partisë fituese të zgjedhjeve, që në këtë rast nënkupton Lëvizjen Vetëvendosje dhe liderin e saj, Albin Kurti.

Po ashtu, synimi i Vetëvendosjes dhe LDK-së është që të krijojnë një qeveri me 12 apo maksimumi 15 ministri. Mbetet të shihet nëse partia që e merr pozitën e kryeministrit, Lëvizja Vetëvendosje, do të merr edhe pozitën e kryetarit të Kuvendit apo këtë pozitë do t’ia lirojë LDK-së. Për këto tema, bisedimet thuhet se do të barten te liderët politikë, kurse tash për tash, theksohet se është duke u biseduar për çështjet programore dhe reduktimin e numrit të ministrive.

Në funksion të arritjes së marrëveshjes dhe bashkëqeverisjes ishte edhe takimi i zhvilluar ndërmjet kandidatit aktual të vetëm për kryeministër, Albin Kurtit dhe Vjosa Osmanit të LDK-së.

“Kosova do të dalë nga kriza dhe do të përparojë. Bashkëpunimi ynë është përkushtimi ynë. Qëllimet e mira dhe punët e mbara janë përgjegjësi e jona ndaj qytetarëve të Republikës dhe institucioneve të shtetit”, ka shkruar Kurti në Facebook.

Përfaqësuesit, e dy partive politike deklarojnë se janë në fazën finale të dakordimit për harmonizimin e planeve programore për të bashkëqeverisur.

Albulena Haxhiu nga Lëvizja Vetëvendosje, tha për Radion Evropa e Lirë se për disa fusha programore, siç është ajo për ekonomi, tashmë janë në linja të njëjta.

Haxhiu është shprehur optimiste se bisedimet ndërmjet grupeve punuese do të kryhen së shpejti, në mënyrë që të vazhdojë faza e bisedimeve në nivel të liderëve të dy partive.

“Janë disa çështje të cila nuk janë kompetencë e grupit punues. Grupi punues nuk ka kompetencën se cilat ministri do t’i kemi. Në këtë rast kjo i takon nivelit të kryetarëve. Prandaj, puna jonë si grup punues është vetëm harmonizimi programor. Ne jemi optimistë në këtë drejtim. Ne deri tani kemi parë një vullnet dhe gatishmëri nga përfaqësuesit e LDK-së për bashkëqeverisje me Lëvizjen Vetëvendosje”, tha Haxhiu.

Haxhiu tha se takimet pasuese do të mbahen nesër si dhe në javën e ardhshme dhe më pas do të ketë takime të udhëheqësve të partive politike.

Të përbashkëtat dhe dallimet e LVV-së dhe LDK-së në planin ekonomik

Zëdhënësi i Lidhjes Demokratike të Kosovës, Besian Mustafa, tha për Radion Evropa e Lirë se LDK-ja dhe LVV-ja janë në rrugë të mirë për të arritur marrëveshjen finale për koalicion bashkëqeverisës.

“Afërsisht çdo tre ditë do të kemi takime të grupeve punuese të fushave të ndryshme për të përafruar programin e përbashkët. Pas certifikimit të rezultateve nga KQZ-ja do të vazhdohet me takimin e nivelit politik në mes të liderëve politikë të dy partive tona, pra, zotit Mustafa dhe zotit Kurti, ku do të përmbyllet edhe pjesa finale politike e marrëveshjes së bashkëqeverisjes”, tha Mustafa.

Lëvizja Vetëvendosje dhe Lidhja Demokratike të Kosovës, që nga shpallja e rezultatit preliminar të zgjedhjeve parlamentare të 6 tetorit, janë në përpjekje për të arritur marrëveshje për formimin e qeverisë së re.

Drejtuesit e Lëvizjes Vetëvendosje, po ashtu kanë zhvilluar takime edhe me përfaqësuesit e komuniteteve joshumicë, duke përjashtuar këtu vetëm përfaqësuesit e Listës Serbe. Albulena Haxhiu nuk ka mundur të thotë nëse pjesë e marrëveshjes do të jetë edhe përfshirja e komuniteteve brenda koalicionit qeverisës.

“Nuk kemi ndonjë vendim për ketë, por ne jemi të gatshëm që të bashkëpunojmë me ta. Besojmë se është me rendësi që t’i përfshijmë edhe komunitetet joshumicë të Kosovës. Prandaj, pas finalizimit të koalicionit me LDK-në, ne do të vazhdojmë me hapa të tjerë. Pra , ne nuk mund të lidhim koalicion njëherë me përfaqësuesit e komunitetit joshumicë, pa u bërë koalicioni i madh (me LDK-në)”, tha Haxhiu.

Të dy partitë politike LVV-ja dhe LDK-ja, kanë thënë se janë në pritje të certifikimit të rezultateve nga Komisioni Qendror i Zgjedhjeve për të shkuar tutje me hapat final të marrëveshjes.

Lëvizja Vetëvendosje dhe Lidhja Demokratike e Kosovës edhe para zgjedhjeve të 6 tetorit, janë takuar disa herë, por nuk arritën që të bëjnë koalicion parazgjedhor dhe garuan ndaras.

Nga rezultatet preliminare të Komisionit Qendror të Zgjedhjeve, Lëvizja Vetëvendosje ka fituar 25.49 për qind të votave, pasur nga Lidhja Demokratike e Kosovës me 24.82 për qind të votave.

Këto rezultate nuk përfshijnë votat me kusht, votat me postë edhe votat e personave me nevoja te veçanta.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Burri i Albulena Haxhiut: Duhet të kaloni mbi trupa njerëzish para sa të kthehet krimi në qeverisje

Burri i Albulena Haxhiut: Duhet të kaloni mbi trupa njerëzish para sa të kthehet krimi në qeverisje

Grenell fton të gjithë të respektojnë vendimin e Kushtetueses: Mezi pres të punoj me qeverinë

Grenell fton të gjithë të respektojnë vendimin e Kushtetueses: Mezi pres të punoj me qeverinë

Hoti: Koha të bashkohemi për vendin, s’ka humbur askush

Hoti: Koha të bashkohemi për vendin, s’ka humbur askush

Haradinaj: Sa më shpejt të formohet Qeveria Hoti

Haradinaj: Sa më shpejt të formohet Qeveria Hoti

Mustafa: Aktgjykimi i sotëm i Gjykatës Kushtetuese dëshmon se shteti i Kosovës dhe drejtësia po funksionon

Mustafa: Aktgjykimi i sotëm i Gjykatës Kushtetuese dëshmon se shteti i Kosovës dhe drejtësia po funksionon

LDK: Gjykata vendosi, tashmë dihet se si duhet vepruar edhe në të ardhmen

LDK: Gjykata vendosi, tashmë dihet se si duhet vepruar edhe në të ardhmen

SHBA, institucioneve dhe partive: Zbatojeni vendimin e Gjykatës Kushtetuese

SHBA, institucioneve dhe partive: Zbatojeni vendimin e Gjykatës Kushtetuese

Thaçi: Kam qenë i bindur se çdo hap që kam ndërmarrë ishte në përputhje të plotë me Kushtetutën

Thaçi: Kam qenë i bindur se çdo hap që kam ndërmarrë ishte në përputhje të plotë me Kushtetutën

Konjufca: Vendimi i Kushtetueses do të shkaktojë revoltë qytetare

Konjufca: Vendimi i Kushtetueses do të shkaktojë revoltë qytetare

Kushtetuesja i jep të drejtë presidentit Thaçi për dekretin

Kushtetuesja i jep të drejtë presidentit Thaçi për dekretin

Koci: Kushdo që i qaset dhomës së përgjimeve në Telekom domosdo lë gjurmë

Koci: Kushdo që i qaset dhomës së përgjimeve në Telekom domosdo lë gjurmë

Gjasat për marrëveshje Kosovë-Serbi gjatë këtij viti shihen të vogla

Gjasat për marrëveshje Kosovë-Serbi gjatë këtij viti shihen të vogla

NISMA: E paprecedent për shoqëritë demokratike organizmin e protestave nga partia që udhëheq qeverinë

NISMA: E paprecedent për shoqëritë demokratike organizmin e protestave nga partia që udhëheq qeverinë

Kosovë: Katër raste të reja, 19 të shëruar nga COVID-19

Kosovë: Katër raste të reja, 19 të shëruar nga COVID-19

Nëntë pacientë me Covid-19 në Infektive, tre në gjendje të rëndë

Nëntë pacientë me Covid-19 në Infektive, tre në gjendje të rëndë

“Test protesta” nis me thirrjet “Duam zgjedhje”, “Albin Kurti” dhe “Vetëvendosje”

“Test protesta” nis me thirrjet “Duam zgjedhje”, “Albin Kurti” dhe “Vetëvendosje”