Veriu i Mitrovicës nuk dallon nga qytetet e Serbisë në kohën e fushatës për zgjedhjet presidenciale.
I gjithë qyteti është mbuluar posterë të kandidatëve per president të shteti fqinj.
Aty dominon bindshëm, Aleksandar Vuciq, i cili është kryeministër aktual i Serbisë.
Vuciq, kishte paralajmëruar të mërkurën se do të jetë edhe fizikisht për të bërë fushatë në veri të Kosovës, me lejen e autoriteteve të Prishtinës.
Por të martën pasdite ai e anuloi vizitën në veri. Shkak tha të jetë presioni e cirku që po bënë Prishtina zyrtare. Para kësaj deklarate Ministri i jashtëm Enver Hoxhaj, tha se leja iu dha politikanit serb, por me disa kushte.
Nga ana e tij ish-politikani Momqillo Trajkoviq, përkundër se përkrah mbajtjen e zgjedhjeve presidenciale serbe në Kosovë thotë se me votat e serbëve të këtushëm, sistemi politik i Serbisë mashtron.
Sipas Trajkoviqit, janë mbi 70 mijë bashkëkombas të tij që kanë të drejtë vote, kjo pasi që iu lejohet edhe me dyshtetësi, që ai e quan metodë të mirë.
E kritikat i ka të ashpra për pretendentin kryesor që të bëhet shef i shtetit serb, Aleksandar Vuciq.
E derisa vizita dhe kampanja për presidencialet e Serbisë, tashmë ka marrë udhë, institucionet kosovare bashkë me misionin e OSBE-së dhe ato të Serbisë, ende te pakten zyrtarisht nuk janë marrë vesh për mbajtjen e zgjedhjeve dhe hapjen e vendvotimeve më dy prill.
Nga misioni i Organizates per Siguri dhe bashkëpunim, në Prishtinë, kan thënë të martën se ata janë të gatshëm të marrin rolin e tyre operativ ne organizimin e zgjedhjeve presidenciale te Serbisë ne territorin e Kosoves, por se nuk ka ujdi finale.