“Vuçiq iu premtoi amerikanëve që Kosovës do t’ia dorëzojë karrigen në OKB”

E publikuar: 17/04/2018 15:17
Rreshtat+- AShkronjat+- Printo

Kryetari i Partisë Kombëtare dhe ish shefi i diplomacisw serbe, Vuk Jeremiq thotë se presidenti serb Aleksandar Vuçiq u ka premtuar amerikanëve se Kosova do të bëhet pjesë e OKB-së, por se sipas tij, ai e ka problem mënyrën se si ta bëjë këtë.
Jeremiq tha se Vuçiq është pajtuar me kërkesën e amerikanëve për t’ia dorëzuar karrigen Kosovës në OKB, transmeton lajmi.net.

“Amerikanët kërkojnë nga Vuçiq që të lejoj që Kosova të futet në OKB, madje ata i kanë bërë presion atij që të pranojë të nënshkruajë të ashtuquajturën marrëveshje për normalizimin gjithëpërfshirës të marrëdhënieve me Prishtinën. Rusia ka thënë se praktikisht nuk do ta bllokojë Kosovën në Këshillin e Sigurimit të OKB-së”, tha Jeremiq.

Jeremiq pretendon se Vuçiq u përpoq të ofronte shkëmbimin e territorit, mirëpo u refuzua, pasi që paraprakisht i kishte premtuar Kosovës që do të hynte në OKB./Lajmi.net