Votoni gra

22.09.2019 18:53
Rreshtat+- AShkronjat+- Printo
Votoni gra

Nëse votoni burra, votoni njerëz që dëshirojnë të bëhen të parët, edhe atë, pa zgjedhur mjetet. Nuk janë ata fajtorë, por edukata e gabueshme, që pret prej djemve me çdo kusht sukses, profilizim, pasuri, pa zgjedhur metodat, përndryshe nuk shihet si burra të vërtetë.

Nga Lis Bukuroca

Nëse votoni gra, atëherë do votoni njerëz të moralshëm, që duan të bëhen më të mirë, edhe atë, duke u bazuar në dije, aftësi, empati dhe përgjegjësi sociale.

Ne themi: „Burgu është për burra“, dhe çmojmë rrezikimin e lirisë sepse atij proverbi, i menduar për të fisnikëruar vetëflijimin përballë pushtuesit apo diktatorit, i qasen të gjithë kriminelët e sotshëm dhe kështu, në burg, përkëdhelin integritetin e tyre ata që përnjëmend nuk e kanë më.

Arsyeja e dallimeve: bijat i edukojmë të bëhen të moralshme, të mos krekosen, të rrinë poshtë, të jenë të drejta, kurse djemtë domosdoshmërish të pasurohen dhe të ngjiten sa më lart, edhe nëse thyejnë qafën dhe rrezikojnë burgun. Me rëndësi të ketë grumbulluar mjaftë para dhe të mbetet një shumë e madhe, pasi të ketë paguar avokatët, apo pasi të ketë dalë nga burgu.

Te gruaja vlerësojmë dijen, profesionalizmin, moralin, te burrat pasurimin!

Gratë nuk shajnë nga nëna.

Nuk i pëlqejnë gënjeshtrat.

Nuk i duan mashtrimet.

Kanë respekt ndaj ligjit.

Ato nuk vjedhin, shumica, jo.

Ato nuk falin vende të punës për seks.

Ato nuk kërcënojnë me vrasje.

Ato nuk tradhtojnë atdheun.

Ato nuk vrasin dhe nuk rrahin burra,.

Ato nuk i cilësojnë burrat si kurva: si të pamoralshëm, të paaftë, të pakujdesshëm, edhe pse ka mjaftë nga ky lloj.

Gratë janë ato që dinë të ruajnë fëmijët dhe familjen, edhe pa burrë. Ato që dinë të bëjnë këtë, dinë të ruajnë edhe shoqërinë, edhe imazhin, edhe drejtësinë. Gratë nuk duan diskriminimin. Ato, nëse janë të lira dhe të barabarta, nuk kultivojnë padrejtësinë as në shtëpi, as jashtë. Për gratë tona kemi vazhdimisht vlerësime pozitive, për burrat, kryesisht negative.

Asnjë parti nuk është e pastër sa të votohet symbyllur. Kemi një lider të mirë, por në partinë e tij, ka kandidatë për deputetë mercenarë, që nuk meritojnë vota. Tjetra ka kandidatë të mirë, por jo lider, që meriton të jetë në krye të partisė. Kemi edhe parti me anëtarë e lider, që ekzistojnë për të dobësuar traumat vetjake. Këta të fundit, sikur te mos i bënte të famshëm media, do të kalonin në moskezistencë, ku praktikisht meritojnë të jenë, ose ku janë.

Kur hajduti planifikon luftën kundër hajnisë, ai mbron vetëm hapësirën dhe eksluzivitetin, ku ai mendon të vazhdojë me vjedhjen.

Kur i pafytyri flet për moral, domethënë aty amoraliteti është normë sociale.

Kur gjykatësi merr vendime jo të drejta, domethënë se kriminelët janë bërë gjykatës.

Kur plagjiatori lufton plagjiaturën, domethënë përpiqet të shumojë njerëz si vetja.

Kur i korruptuari premton luftimin e korrupsionit, ai dëshiron të pamundësojë burgosjen e vetes dhe shokëve të vet.

Kur atdhetari ka brenda partisë urrejtës të historisë shqiptare dhe dashnorë të pushtuesve, atëherë kjo dëshmon, se aty ka gjithçka, por jo parime dinjitoze, njerëzore. Kjo dëshmon se partia është kazan.

Nuk ka një parti që meriton besimin symbyllur. Jemi popull i vogël dhe të mirët janë shpërndarë në shumë parti, prandaj duhet votuar kudo që është mundur gra dhe intelektualë të vërtetë. Kuvendi është vend ku duhet të bëjnë debat njerëzit e dijshëm, jo rrugaçët. Këta të fundit dëmtojnë edhe rininë.

Nëse do të kemi gjysmën e kuvendit me gra, bota do të na vështronte ndryshe. Ne nuk duhet ta bëjmë për ta, por për veten, sepse, gjendjen që kemi sot, me të mirat dhe të ligat, është rezultat i burrave!

Në Shqipëri diku 94 për qind të veprave të kundërligjshme i bëjnë burrat. Në Kosovë 96.1 %, djemtë apo burrat dhe 3.9 %, vajzat apo gratë. Kjo statistikë mjafton për t’iu dhënë votën grave, pa marrë parasysh në cilën parti gjenden.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kush janë “këta” që po na shesin kopalla!?!

Kush janë “këta” që po na shesin kopalla!?!

Kronologji ngjarjesh me rastin e 22 vjetorit të Betejës së Zhegocit…

Kronologji ngjarjesh me rastin e 22 vjetorit të Betejës së Zhegocit…

Interferimi ekonomik i autoriteteve dhe diaspora

Interferimi ekonomik i autoriteteve dhe diaspora

Shala: Përveç ndryshimit të Kushtetutës, Qeveria Kurti mund të bëjë çfarë të dojë

Shala: Përveç ndryshimit të Kushtetutës, Qeveria Kurti mund të bëjë çfarë të dojë

Qeveria – dialogu dhe vizat

Qeveria – dialogu dhe vizat

Editorial në News Week: Biden të luftojë për drejtësinë në Ballkan, Dhomat e Specializuara po e minojnë Kosovën

Editorial në News Week: Biden të luftojë për drejtësinë në Ballkan, Dhomat e Specializuara po e minojnë Kosovën

Fitorja e sotme e Vetëvendosjes – fundi i një tranzicioni në Kosovë

Fitorja e sotme e Vetëvendosjes – fundi i një tranzicioni në Kosovë

Kulturë që shpërfaq vlerë e traditë

Kulturë që shpërfaq vlerë e traditë

Ben-Meir: Që nga shpallja e Pavarësisë, asnjë subjekt politik në Kosovë nuk ka pasur program politik

Ben-Meir: Që nga shpallja e Pavarësisë, asnjë subjekt politik në Kosovë nuk ka pasur program politik

Faton Bislimi: Pushtete të ndara- përgjegjësi e plotë

Faton Bislimi: Pushtete të ndara- përgjegjësi e plotë

Zaret u hodhën, kush do të mbytet dhe përmbytet me 14 shkurt

Zaret u hodhën, kush do të mbytet dhe përmbytet me 14 shkurt

Shpërfaqja e imponuar e realitetit

Shpërfaqja e imponuar e realitetit

Përvoja dhe eksperienca

Përvoja dhe eksperienca

Unë kam një  ëndërr! Ne kemi një ëndërr!

Unë kam një ëndërr! Ne kemi një ëndërr!

Rregullimi i shtretërve të lumenjëve duhet të jetë prioritet i Qeverisë së re

Rregullimi i shtretërve të lumenjëve duhet të jetë prioritet i Qeverisë së re

Po të ishte gjallë Rexhep Mala, Kosova do të dukej ndryshe

Po të ishte gjallë Rexhep Mala, Kosova do të dukej ndryshe