Ministri në detyrë i Shëndetësisë, Arben Vitia në një konferencë për media ka thënë se do të bëhet një analizë e re epidemiologjike para se të vendoset hapja e kafeterive dhe disa aktiviteteve tjera biznesore.
“Nuk besoj se do të ketë ndonjë problem që nga 1 qershori të mos hapen kafeteritë, por mbetet të bëhet një analizë”.
Sa i përket hapjes të kufijve, Vitia ka thënë se kjo çështje nuk do të varet vetëm nga Kosova, shkruan Telegrafi.
Ai ka folur edhe për mundësinë e hapjes së një pjese të klasave pas analizimit të ecurisë së epidemisë në këtë fazë.
Vitia ka thënë se është lajm i mirë që sot nga lista e parë e 83 të testuarve nuk ka asnjë të infektuar me coronavirus.
