Viti 2016: Bota me zë

31.12.2016 15:41
Rreshtat+- AShkronjat+- Printo
Viti 2016: Bota me zë

Më 17 janar, presidenti i Iranit, Hassan Rohani, i është drejtuar Parlamentit në Teheran, në lidhje me bisedimet për çështje bërthamore me fuqitë botërore, të cilat kanë rezultuar me heqjen e sanksioneve kundër Republikës Islamike.

“Të realizuara dhe të kompletuara me udhëzimet e Udhëheqësit Suprem, Ajatollah Ali Khamenei, të mbështetura nga kombi dhe të ndihmuara nga të gjitha institucionet e rëndësishme të shtetit, bisedimet janë vërtet një nga faqet e arta të historisë së vendit”, ka thënë Rohani.

Viti 2016: Bota me zë
0:00:00/0:04:51 Linku direkt
Pop-out player
Në muajin prill kanë shpërthyer luftime të ashpra midis Armenisë dhe Azerbajxhanit, në rajonin e kontestueshëm të Nagorno Karabakut.

“Këto janë luftimet më të mëdha që Azerbajxhani ka bërë përpjekje t’i nisë që nga rivendosja e armëpushimit më 1994”, ka thënë presidenti armen, Serzh Sarkisian.

“Jemi duke luftuar në territorin tonë. Nëse një ushtar armen nuk dëshiron të vdesë, le të ikë nga territori i Azerbajxhanit”, ka thënë presidenti azerbajxhanas, Ilham Aliyev.

Gazetarja azerbajxhanase e Radios Evropa e Lirë, Khadija Imayilova, është liruar nga burgu në Baku më 25 maj.

“Arrestimi im është bërë vetëm për arsye politike, sepse presidenti Aliyev dhe klika e tij kanë vendosur të heqin qafe çdo kritik. Pra, ka qenë pjesë e veprimeve shtypëse kundër aktivistëve të të drejtave të njeriut, gazetarëve dhe udhëheqësve të OJQ-ve”, ka thënë Ismayilova.

Në qershor, kryeministri britanik, David Cameron, ka shpallur dorëheqjen, për shkak të rezultatit të referendumit, në të cilin shumica e britanikëve kanë votuar për dalje nga Bashkimi Evropian.

“Populli britanik ka marrë vendim të qartë, duke zgjedhur një rrugë ndryshe. Andaj, unë mendoj se vendit i duhet një udhëheqje e re në këtë drejtim”, ka thënë Cameron.

Në korrik, sekretari i përgjithshëm i NATO-s, Jens Stoltenberg, ka shpallur nënshkrimin e një deklarate për bashkëpunim më të afërt midis aleancës ushtarake dhe Bashkimit Evropian.

“Kemi qëndrim të përbashkët ndaj Rusisë: BE-ja ka ndërmarrë sanksione ekonomike; NATO ka forcuar mbrojtjen kolektive – më së shumti që nga Lufta e Ftohtë”, ka thënë Stoltenberg.

Në Turqi, më 15 korrik, ka pasur përpjekje për grusht-shtet ushtarak.

“Bëhet fjalë për një pakicë brenda ushtrisë turke. Në Turqi ka parti në pushtet, që është zgjedhur nga vota e popullit. Ka edhe president të zgjedhur nga populli dhe ne jemi në detyrë. Me dëshirën e Zotit, do ta përmbushim këtë detyrë deri në fund. Nuk do t’ua lëmë kurrë vendin këtyre hajdutëve”, ka thënë presidenti turk, Recep Tayyip Erdogan.

Në gusht, presidenti i Kolumbisë, Manuel Santos, ka bërë të ditur se pas tre vjetësh negociata, administrata e tij ka nënshkruar marrëveshjen përfundimtare për paqe me Forcat e Armatosura Revolucionare të Kolumbisë (FARC), duke i dhënë fund luftës guerile 50-vjeçare – njërit nga konfliktet më të gjata në botë.

“Sot, mund të themi përfundimisht se është rënë dakord për çdo gjë. Falë përpjekjeve të mëdha të delegacioneve negociatore, është rënë dakord edhe për çështjet që kanë qenë në pritje”, ka thënë Santos.

Republikani Donald Trump ka fituar zgjedhjet presidenciale të Shteteve të Bashkuara më 8 nëntor, kundrejt kandidates demokrate, Hillary Clinton.

“Sapo kam pranuar një telefonatë nga sekretarja Clinton. Ajo na ka ururar për fitoren dhe unë e kam uruar atë dhe familjen e saj për fushatën e fuqishme”, ka thënë Trump.

Udhëheqësi revolucionar i Kubës, Fidel Castro, ka vdekur në nëntor. Lajmi është bërë i ditur nga vëllai i tij, presidenti Raul Castro.

“I dashur popull kuban, me trishtim të thellë duhet të ndaj lajmin me ju, me miqtë tanë nga Amerika jonë dhe bota, se sot, më 25 nëntor, në orën 10:29, komandanti dhe shefi i Revolucionit Kuban, Fidel Castro, ka vdekur”, ka bërë të ditur Raul Castro.

Në muajin dhjetor, ambasadori rus në Ankara, Andrei Karlov, është vrarë nga një polic turk, i cili ka thirrur slogane xhihadiste.

“Kjo është një ditë tragjike në historinë e diplomacisë ruse: gjatë një ngjarjeje publike në Ankara, ambasadori rus në Turqi, Andrei Gennadiyevich Karlov, ka marrë plagë që kanë shkaktuar vdekjen e tij. Ne e klasifikojmë këtë incident si akt terrorist”, ka thënë zëdhënësja e Ministrisë së Jashtme Ruse, Maria Zakharova.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kërkim masiv për nëndetësen e zhdukur argjentinase

Kërkim masiv për nëndetësen e zhdukur argjentinase

Dënohen me burg dhe me gjobë të akuzuarit për fajde dhe keqpërdorim detyre

Dënohen me burg dhe me gjobë të akuzuarit për fajde dhe keqpërdorim detyre

Haradinaj priti në takim Zyrtarin Kryesor Operues të MCC, Jonathan Nash

Haradinaj priti në takim Zyrtarin Kryesor Operues të MCC, Jonathan Nash

NISMA: Do të jemi në bashkëqeverisje në 11 komuna

NISMA: Do të jemi në bashkëqeverisje në 11 komuna

AGK lansoi raportin e dytë për lirinë e mediave dhe sigurisë së gazetarëve

AGK lansoi raportin e dytë për lirinë e mediave dhe sigurisë së gazetarëve

31 shtete pjesëmarrëse në konkursin e fotografisë në Preshevë

31 shtete pjesëmarrëse në konkursin e fotografisë në Preshevë

Pas më shumë se dy javësh, të enjten Kuvendi mban seancën e radhës

Pas më shumë se dy javësh, të enjten Kuvendi mban seancën e radhës

Haradinaj: Po punojmë për edukimin cilësor dhe mirëqenien e fëmijëve të Kosovës

Haradinaj: Po punojmë për edukimin cilësor dhe mirëqenien e fëmijëve të Kosovës

Shaqir Totaj shpreson se mund ta përmbysë rezultatin në Prizren

Shaqir Totaj shpreson se mund ta përmbysë rezultatin në Prizren

KEDS investoi 320 mijë euro tek Çarshia e Gjakovës

KEDS investoi 320 mijë euro tek Çarshia e Gjakovës

Meta: Pres proces transparent për ngjarjet në Kumanovë

Meta: Pres proces transparent për ngjarjet në Kumanovë

Presidenti Thaçi: Kosova dëshmoi edhe një herë zgjedhje të nivelit më të lartë profesional

Presidenti Thaçi: Kosova dëshmoi edhe një herë zgjedhje të nivelit më të lartë profesional

Një i vdekur e disa të lënduar në një aksident në magjistralen Gjilan – Prishtinë

Një i vdekur e disa të lënduar në një aksident në magjistralen Gjilan – Prishtinë

Haradinaj: Nëse e përmirësojmë sundimin e ligjit, mund të marrim më shumë para nga Amerika

Haradinaj: Nëse e përmirësojmë sundimin e ligjit, mund të marrim më shumë para nga Amerika

Kurteshi: Vetëvendosja nuk u rrit mjaftueshëm për të fituar në Gjilan

Kurteshi: Vetëvendosja nuk u rrit mjaftueshëm për të fituar në Gjilan

Një muaj paraburgim për të dyshuarin e vrasjes së dyfishtë në Prishtinë

Një muaj paraburgim për të dyshuarin e vrasjes së dyfishtë në Prishtinë