Veteranët e Dukagjinit: Me asnjë çmim nuk do të lejojmë që territori i Kosovës t’u falet fqinjëve

31.03.2016 15:16
Rreshtat+- AShkronjat+- Printo
Veteranët e Dukagjinit: Me asnjë çmim nuk do të lejojmë që territori i Kosovës t’u falet fqinjëve

Degët e Organizatës së Veteranëve të Luftës së UÇK-së në Deçan, kanë lëshuar një kumtesë për media rreth demarkacionit të kufirit me Malin e Zi.

Ja se çfarë thuhet në kumtesën e veteranëve të luftës nga Dukagjini:

“I kemi përcjellë me vëmendje të gjitha zhvillimet që kanë të bëjnë me çështjen e përcaktimit të demarkacionit ndërmjet Kosovës dhe Malit të Zi. Për çudi, në mbarë botën komisionet shtetërore i mbrojnë të drejtat e shtetit që e përfaqësojnë, ndërkaq në Kosovë ndodhë e kundërta, Komisioni Shtetëror ia falë mijëra hektarë tokë shtetit fqinj, por as nuk pendohet, as nuk ndëshkohet, përkundrazi lavdërohet.

Edhe deklarimi i djeshëm i “ekspertëve ndërkombëtarë”, të angazhuar nga presidentja Atifete Jahjaga në ditët e fundit të mandatit të saj si presidente, për të dhënë mendim për demarkacionin me Malin e Zi, fatkeqësisht doli të jetë ashtu siç kemi dyshuar që nga fillimi: i bërë shkel e shko me nguti sa për t’i legjitimuar shkeljet e Komisionit të Muratit kundër shtetit të Kosovës, që për ne janë të padrejta dhe të papranueshme.

Përkujtojmë se gjysma e territorit të sotëm të Malit të Zi janë troje autoktone shqiptare, të përvetësuara nga Mali i Zi me mbështetjen e fuqive ndërkombëtare e veçanërisht të Rusisë, që nga Kongresi i Berlinit (1878) e këndej. Në anën tjetër, duhet përmendur se më shumë se gjysma e fshatrave të krahinës së Rugovës kanë mbetur padrejtësisht në Malin e Zi, qysh pas Luftës së Dytë Botërore e këndej, e tash duan t’i marrin edhe mijëra hektarë të rinj!

Duhet përmendur fakti se shqiptarët në Mal të Zi nuk gëzojnë kurrfarë të drejtash, madje as të drejtat elementare njerëzore e kombëtare, me gjithë faktin se shqiptarët e atjeshëm ishin dhe janë faktori vendimtar edhe për shpalljen e pavarësisë së Malit të Zi, edhe për ekzistencën e mëtutjeshme të tij si shtet.

Jemi të vetëdijshëm për të gjitha të bëmat ndaj shqiptarëve në të kaluarën jo të largët, jemi të vetëdijshëm edhe për rrethanat e reja dhe distancimin nga Rusia dhe përcaktimet euro-atlantike të shtetit fqinj, por është tepër e gabueshme që të pretendohet që marrëdhëniet fqinjësore të ndërtohen duke bërë padrejtësi të reja ndaj shqiptarëve, në këtë rast duke e cenuar rëndë territorin e shtetit të Kosovës.

Nuk e dimë dhe as që na intereson të dimë se çfarë hartash të falsifikuara ku tkurret territori i Kosovës, kanë paraqitur gjeneralët kriminelë të ushtrisë serbe në Kumanovë, në qershor të vitit 1999, sepse për ne janë të papranueshme. Republika e Kosovës është dëmtuar në territor gjatë procesit të demarkacionit me Maqedoninë, po tentohet të dëmtohet edhe me Malin e Zi, por parashihet të dëmtohet edhe më rëndë në procesin e demarkacionit me Serbinë.

Ua përkujtojmë atyre që kanë harruar, se çdo pëllëmbë të këtyre kufijve i kemi larë me gjakun tonë, jo vetëm ne si ushtarë të Ushtrisë Çlirimtare të Kosovës, por edhe brezat paraardhës. Me asnjë çmim nuk do të lejojmë që të bëhet shënjimi kësaj vije kufitare ku i falen Malit të Zi mbi 8 mijë hektarë tokë.

Prandaj, ua bëjmë me dije të gjithëve, edhe vendorëve, edhe ndërkombëtarëve se ne nuk do ta lejojmë një gjë të tillë. Me asnjë çmim nuk do të lejojmë që territori i Kosovës t’u falet fqinjëve malazezë, as atyre serbë, qoftë edhe me çmimin e jetëve tona.”

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Një person në Graqanicë nuk respekton masën e vet-izolimit

Një person në Graqanicë nuk respekton masën e vet-izolimit

Të shtëna me armë zjarri në Podujevë

Të shtëna me armë zjarri në Podujevë

Policia e Kosovës ka arrestuar një person nën dyshimin se rekrutoi, strehoi dhe i shfrytëzoi për punë të detyruar shtatë (7) viktima

Policia e Kosovës ka arrestuar një person nën dyshimin se rekrutoi, strehoi dhe i shfrytëzoi për punë të detyruar shtatë (7) viktima

Ceca nervozohet me Dua Lipën: Vogëlushe, ulu njëherë!

Ceca nervozohet me Dua Lipën: Vogëlushe, ulu njëherë!

SHBA-ja i ka kërkuar Kinës që të mbyllë konsullatën në Hjuston

SHBA-ja i ka kërkuar Kinës që të mbyllë konsullatën në Hjuston

Mali i Zi sërish shpall epideminë e koronavirusit

Mali i Zi sërish shpall epideminë e koronavirusit

Thaçi: Vazhdojmë t’i besojmë drejtësisë ndërkombëtare

Thaçi: Vazhdojmë t’i besojmë drejtësisë ndërkombëtare

Hoxhaj: 10 vjet më parë, u legjitimua vullneti i popullit për pavarësi

Hoxhaj: 10 vjet më parë, u legjitimua vullneti i popullit për pavarësi

Bislimi: Paratë e Pakos Emergjente nuk mund të përdoren për kontestet ligjore të Telekomit të Kosovës

Bislimi: Paratë e Pakos Emergjente nuk mund të përdoren për kontestet ligjore të Telekomit të Kosovës

84 qytetarë të Gjilanit në pritje të rezultateve për COVID-19

84 qytetarë të Gjilanit në pritje të rezultateve për COVID-19

Pejë, 6 pacientë me COVID-19 në gjendje të rëndë

Pejë, 6 pacientë me COVID-19 në gjendje të rëndë

Post, aviatori që bëri fluturimin e parë i vetëm rreth botës

Post, aviatori që bëri fluturimin e parë i vetëm rreth botës

Protestë kundër ndërtimit të Xhamisë së Madhe

Protestë kundër ndërtimit të Xhamisë së Madhe

Cramon: Kosova duhet ta marrë përgjegjësinë për krimet që përmenden në raportin e Martyt

Cramon: Kosova duhet ta marrë përgjegjësinë për krimet që përmenden në raportin e Martyt

Jep dorëheqjen Bordi i Telekomit

Jep dorëheqjen Bordi i Telekomit

Zeka: Nëse Thaçi nuk do të përgjigjej në pyetjet e Prokurorisë Speciale, do të arrestohej

Zeka: Nëse Thaçi nuk do të përgjigjej në pyetjet e Prokurorisë Speciale, do të arrestohej