Nji dite para se me u rivarros ne fshatin e tij te lindjes, eshtnat e Isa Boletinit ishin në Prishtinë.
Deputetët, zyrtarët e shtetit e qytetarët i banë nderime heroit kombëtar.
Mbas tyne, ishte radha edhe për grupet parlamentare.
Edhe pse Lista Serbe e injoroi komplet ceremoninë, deputetët nga Komunitetet tjera e nderuen veprën e heroit, Isa Boletini.
E para se eshtnat e Isa Boletinit te arrinin në Kuvendin e Kosovë, deputetët mbajtën nji seancë për nderë të veprës së tij.
I pari që u intonue, ishte himni shtetnor i Kosovës, për të cilin Isa Boletini nuk kishte ndigjue ndonji herë.
Por, nuk kishte qysh me qenë ndryshe, përvec se për Isa Boletinin te ndijohej edhe himni kombëtar. Kësaj radhe, deputetët e Lëvizjes Vetëvendosje, nuk ndejten ulun.
Kryetari i Kuvendit, Kadri Veseli, tha se vepra e Isa Boletinit ishte shembull i frymëzimit patriotik.
Nënkryetari i Kuvendit, Xhavit Haliti në emën te Grupit Parlamnetar të PDK’s, tha se Isa Boletini ishte ndër të paktët që i rezistoi gjykimit të historisë.
E për fjalim poetik e emocional u përkujdes deputeti i LDK’s, Sabri Hamiti.
Ndërsa shefi i Grupit Parlamentar te Vetëvendosjes Glauk Konjifca, thumboj udhëheqësin e tanishme. Tue i përmend betejat e heroit, tha se të vegjël janë ata që mendojnë për poste kur vendi ka nevojë për popull.
Këtë seancë speciale, e injoruan deputetët e Listës Serbe, që varrimin e Isa Boletinit në Boletin e quajnë si provokim. Nga Prishtina, arkivoli me eshtnat e heroit, mori rrugën për në Mitrovicë.
Paradite, Isa Boletini qendroi ne Prekaz ne Kullen e Familjes Jashari.