Veseli ka thënë se Kosova është kontribuuese e stabilitetit në Ballkan dhe rruga e Kosovës është integrimi në BE, raporton lajmi.net.
“Kosova nuk është më shtet e as shoqëri konsumuese e stabiliteti, por është vet kontribuuese e stabilitetit. Do të vazhdojmë kursin e komunikimit pozitë -opozitë, do të vazhdojmë kursin e integrimeve të të gjitha komuniteteve, dhe në të njëjtën kohë do të vazhdojmë forcimin e sovranitetit që është imperativ jetësor dhe në rrugëtimin drejt BE-së. Për ne partneriteti me BE-në është shumë me rëndësi. Kemi marr zotimet e BE-së që do të kemi takime më të shpeshta. Të jenë të sigurt se Kosova e ka rrugën shumë të qartë, në integrimin drejt BE-së”, ka thënë Veseli.