Veseli: Hilmi Haradinajn e njoha kur po krijonim UÇK-në

E publikuar: 17/06/2018 10:41
Rreshtat+- AShkronjat+- Printo

Kryetari i Kuvendit të Kosovës, Kadri Veseli ka reaguar pas lajmit për vdekjen e Hilmi Haradinajt, babai i kryeministrit Ramush Haradinaj.

Ai ka thënë se lajmi për vdekjen e Hilmi Haradinajt e ka pikëlluar shumë.

Për të ndjerin ka thënë se e ka njohur në ditët e vështira për Kosovën.

Ky është postimi i plotë i Veselit në profilin e tij në “Facebook”:

“Lajmi për vdekjen e bacës Hilmi më pikëlloi shumë. E njoha në ditët e vështira për Kosovën, atëherë kur së bashku me djemtë e tij e qindra të tjerë nga e gjithë Kosova po krijonim Ushtrinë Çlirimtare të Kosovës. Konaku i bacës Hilmi ishte konak i lirisë së Kosovës. Ngushëllime kryeministrit Haradinaj, familjes, miqve dhe të gjithë atyre që patën rastin ta njohin këtë burrë të nderuar të Dukagjinit dhe mbarë Kosovës.”