Verë kulturore për bashkatdhetarët

09.07.2015 21:35
Rreshtat+- AShkronjat+- Printo
Verë kulturore për bashkatdhetarët

Kampi veror me nxënës nga diaspora, i cili do të nisë të premten në Artanë, është vetëm një nga rreth 200 aktivitete kulturore dhe sportive, të cilat janë planifikuar në kalendarin e aktiviteteve që do të organizohen në muajt e verës nga Ministria e Diasporës, në partneritet me Ministrinë e Kulturës, Rinisë dhe Sportit të Qeverisë së Kosovës, si dhe me komunat e ndryshme.

Zyrtarët e këtyre dikastereve, thonë se aktivitetet e tilla janë planifikuar që nga muajt e parë të këtij viti, me qëllim që ta pasurojnë dhe dinamizojnë jetën kulturore në Kosovë gjatë muajve të verës, kur edhe qytetarët e Kosovës që jetojnë në diasporë, e vizitojnë vendin.

Lorik Pustina, udhëheqës i Divizionit për Komunikim në Ministrinë e Diasporës, duke folur për Radion Evropa e Lirë, shpjegon që aktivitetet në kuadrin e “muajit të diasporës”, do të shtrihen në të gjitha komunat e Kosovës.

“Deri më tani kemi rreth 200 aktivitete, të cilat janë organizuar nga Ministria e Diasporës, partnerët e saj, si dhe komunat ku do të mbahen këto aktivitete dhe ku ka përqendrim të mërgimtarëve”.

“Në këtë kontekst e kemi përpiluar dhe shtypur edhe një kalendar të këtyre aktiviteteve, një kalendar 16 faqe, ku me orë, me ditë dhe vend specifikohet secili aktivitet, a shtu që vet bashkatdhetarët tanë mund të zgjedhin se ku dëshirojnë të marrin pjesë, pra, të zgjedhin nga aktivitetet e bollshme, të cilat janë për të gjitha moshat”, thotë Pustina.

Sipas Pustinës në aktivitetet që do të manifestohen gjatë muajve të verës, do të ketë shfaqje teatrale, panaire të ndryshme, kurse për instrumente muzikore, vizita në muze të qyteteve të ndryshme, vizita në vende historike dhe të trashëgimisë kulturore, punëtori artizanale, kinema të hapura, koncerte, si dhe aktivitete të ndryshme sportive.

“Për shembull, në Prishtinë do ta kemi një aktivitet, i cili bëhet për herë të parë, në bashkëpunim me Muzeun e Kosovës, ku fëmijët nga diaspora do të kenë mundësi që nga ekspertë të muzeut të simulojnë gërmimet arkeologjike, se si fillon procesi i gërmimit, si nxirren mostrat, si ruhen, si pastrohen e deri te konservimi. Kjo do të kulmojë me një ekspozitë. Pastaj, është shkolla verore ‘Arti në hapësirë publike’ për të rinjtë e diasporës, ku do t’i mësojnë fondamentet e aktrimit”, bën të ditur ai.

Vehbi Miftari, këshilltar i ministrit të Kulturës, Rinisë dhe Sportit, Kujtim Shala, thotë për Radion Evropa e Lirë, se përveç aktiviteteve që organizohen në partneritet me Ministrinë e Diasporës, edhe disa institucione reprezentative të kulturës, do të jenë të qasshme për qytetarët gjatë muajve të verës.

“Në këtë vazhdë, ne kemi bashkë-organizuar ose bashkërenduar aktivitetet me Ministrinë e Diasporës dhe me institucionet kulturore në vend, në mënyrë që disa sosh të jenë të hapura në periudhën kur bashkatdhetarët tanë janë këtu, ose të organizojnë aktivitete të veçanta”.

“Ta zëmë, muzeu të hapë dyert për bashkatdhetarët tanë, pastaj, institucionet nacionale siç janë: teatri, baleti e të tjera, të mund të ofrojnë shfaqje në kuadër të aktiviteteve të planifikuara për bashkë-atdhetarët tanë”.

Në anë tjetër, zyrtarët e Komunës së Prishtinës thonë se tashmë me hapjen e pishinës në parkun e Gërmisë, do të hapet edhe skena që gjendet pas pishinës dhe ku priten një varg shfaqjesh dhe koncertesh.

Saranda Bogujevci, udhëheqëse e Drejtorisë për Kulturë në Komunën e Prishtinës, thotë për Radion Evropa e Lirë, se aktivitetet do të jenë të shumta, por edhe të specifikuara.

“Janë disa projekte të ndryshme, që i kemi mbështetur dhe që janë shumë atraktive e që kanë për t’u realizuar në qendër të qytetit. Gjithashtu kemi pasur edhe bibliotekat mobile që janë të ndërtuara në formë interesante dhe të vendosura në shesh, për t’iu ofruar qytetarëve që të shkojnë të marrin ndonjë libër dhe me fëmijët të kalojnë kohën duke u marrë edhe me lexim”, thekson Bogujevci.

Aktivitetet kulturore, artistike dhe sportive, të cilat janë paraparë në kalendarin e planifikuar nga Ministria e Diasporës dhe partnerët e saj, kanë nisur me 17 qershor dhe do të përfundojnë me 3 shtator./rel/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Arrin në Kosovë testi amerikan që zbulon koronavirusin për pak minuta

Arrin në Kosovë testi amerikan që zbulon koronavirusin për pak minuta

Osmani: Për herë të parë Kosova kishte Qeveri që planifikonte padi për gjenocidin serb

Osmani: Për herë të parë Kosova kishte Qeveri që planifikonte padi për gjenocidin serb

Cilat biznese po përfitojnë nga kriza e Koronavirus?

Cilat biznese po përfitojnë nga kriza e Koronavirus?

Kreshnik Ahmeti: Serbia po vazhdon me bllokimin e kamionëve tregtarë të cilët vijnë nga Kosova

Kreshnik Ahmeti: Serbia po vazhdon me bllokimin e kamionëve tregtarë të cilët vijnë nga Kosova

Ahmeti: Po më shqetësojnë daljet e shumëta të qytetarëve në Prishtinë

Ahmeti: Po më shqetësojnë daljet e shumëta të qytetarëve në Prishtinë

I’a shohin sherrin 12 të infektuarve të Kamenicës, 69 personat që janë listë për t’u testuar nga koronavirus

I’a shohin sherrin 12 të infektuarve të Kamenicës, 69 personat që janë listë për t’u testuar nga koronavirus

Në kabinetin e tij Albin Kurtit, emëron Këshilltar Politik Nenad Rashiqin

Në kabinetin e tij Albin Kurtit, emëron Këshilltar Politik Nenad Rashiqin

Dumnica në protestë

Dumnica në protestë

Në Angli, të infektuar nga koronavirus, vdes nëna në banesë, ndërsa djali është duke luftuar

Në Angli, të infektuar nga koronavirus, vdes nëna në banesë, ndërsa djali është duke luftuar

SHBA: Kemi rritje në 6 milionë të përfutuesve të papunësisë në kohë që po kalojmë nga koronavirusi

SHBA: Kemi rritje në 6 milionë të përfutuesve të papunësisë në kohë që po kalojmë nga koronavirusi

Bislimi pas ankesave të qytetarëve: Këto masa janë pjesë e pakos emergjente fiskale

Bislimi pas ankesave të qytetarëve: Këto masa janë pjesë e pakos emergjente fiskale

Komuna e Kumanovës: Na izoloni në karantinë tërë qutetin

Komuna e Kumanovës: Na izoloni në karantinë tërë qutetin

24 orëve të fundit, në Britani të Madhe humbën jetë 569 persona nga koronavirusi

24 orëve të fundit, në Britani të Madhe humbën jetë 569 persona nga koronavirusi

​Vetëm për 24 orë në Serbi, 111 raste të reja me coronavirus

​Vetëm për 24 orë në Serbi, 111 raste të reja me coronavirus

Kollçaku: Letra e presidentit për mandatarin në kundërshtim me Kushtetutën, është grabitje e pushtetit

Kollçaku: Letra e presidentit për mandatarin në kundërshtim me Kushtetutën, është grabitje e pushtetit

Ministria e Financave: Kanë të drejtë mediet në “Pakon Emergjente Fiskale” nëse operojnë si biznese

Ministria e Financave: Kanë të drejtë mediet në “Pakon Emergjente Fiskale” nëse operojnë si biznese