Shefja e grupit parlamentar të Nismës për Kosovën, Valdete Bajrami ka deklaruar se muri i ndërtuar në veri duhet të rrënohet më së largu deri më 1 shkurt.
“Murin që e miratoi ky kuvend duhet të rrënohet deri më 1 shkurt dhe jo siç po flitet më 17 shkurt. Ndaluni se na keni lodh me atë se kush e ndali trenin, pasi ka qenë një obligim kushtetues dhe nuk do të duhej të ishte personale” u shpreh Valdete Bajrami në seancën e Kuvendit të Kosovës.
Ajo ka theksuar se muri është vazhdimësi e provokimeve nga Serbia, duke e ka kritikuar Qeverinë e Kosovës për mënyrën e realizimit të dialogut.