Sergio Ramos do të mungojë në ndeshjen kthyese që Real Madridi do ta zhvillojë ndaj Ajaxit shkaku i kartonëve, por ai është futur në procedurë për kartonin e marr në ndeshjen e fundit.

UEFA beson që Ramos e ka marr me qëllim kartonin për të mos luajtur ndaj holandezëve në ndeshjen kthyese dhe ta mbyll suspendimin.

Ai mund të ndalohet që të luajë edhe në çerekfinale nëse gjendet fajtor.

Hakim Ziyech e Sergio Ramos në duel . (Photo by Lars Baron/Getty Images)

Natyrisht, kjo gjithçka varet edhe nga Los Blancos që duhet ta sigurojnë kalimin në raundin e ardhshëm.

Sergio Ramos vs Ajax (Away).

Grande Capitan! pic.twitter.com/rIHHR7CAVr

— RM (@realfansltu) February 14, 2019

Trupi drejtues i futbollit evropian kishte vendosur për një akt të tillë më herët gjatë sezonit, ku Geoffrey Kondogbia dhe Jesus Corona u dënuan me nga dy ndeshje për marrjen e kartonit me qëllim.

Vendimi përfundimtar do të vijë me 28 shkurt ku do të ketë një njoftim zyrtar nga UEFA.

Ramos me njërin nga lojtarë e Ajaxit . (Photo by Lars Baron/Getty Images)

Real Madridi është i vetëdijshëm për situatën dhe e di që nuk mund të bëjë asgjë nëse Ramos shpallet fajtor.

Ata do të paraqesin ankesë kundër çdo ndëshkimi në mënyrë që të vonojnë pezullimin e kapitenit./Telegrafi/