Ashley Nagy, 29-vjeçare, ka ndarë disa foto në rrjetet sociale të vajzës së saj Charlie, 19-muajshe, e cila vuan nga një sëmundje e lëkurës, transmeton lajmi.net.

Ajo ka shpjeguar se ajo dhe burri i saj janë akuzuar nga disa persona që i kanë parë këto foto dhe këtë video se ata janë fajtorë për gjendjen e vajzës sepse e kishin lënë shumë nën rrezet e diellit.

“Shumica e njerëzve largohen kur e shohin vajzën time dhe frikësohen pak a shumë, madje jam kritikuar se si e puth unë atë, por përgjigja imë për ta është se ajo është vajza ime dhe unë e bëj këtë me shumë deshirë dhe kjo nuk është një sëmundje ngjitëse”, u shpreh Ashley nga Arizona e Shteteve të Bashkuara të Amerikës.

Vajzë e vogël është diagnostikuar me psoriasis sa ishte katër muajshe, pasi pika të vogla të kuqe u shfaq në të gjithë lëkurën e saj.