Tualeti i kafenesë që rrethohet në tri anë me akuarium, për të cilin u shpenzuan 200 mijë funte (Foto)

E publikuar: 16/04/2019 18:27
Rreshtat+- AShkronjat+- Printo

Hipopo Papa është një kafene në Hayashizaki Matsue të Japonisë, që ka sukses të jashtëzakonshëm për shkak të tualetit të ndërtuar në mënyrë të veçantë.

Kur klientët e kafenesë kanë nevojë të shkojnë tualet, mund të lirohen nën shoqëri të peshqve dhe një breshke të madhe uji, transmeton Telegrafi.

Raportohet se pronari ka shpenzuar 200 mija funte, për ta ndërtuar kabinën e veçantë, që i ka të tri anët e rrethuara me akuariumi, ndërsa ndodhet rreth një shkëmbi.

Akuarium në të tri anët e tualetit të kafenesë

Megjithëse është e destinuar për femra, kur nuk ka shumë klientë, punonjësit i lejojnë edhe meshkujt të vizitojnë atë. Sipas mediave lokale, tualeti është instaluar para 12 vitesh, duke u bërë një atraksion i vërtetë turistik për atë zonë.

Gjë që ka pasur edhe anët negative, pasi shumë njerëz rrinë më gjatë se që duhet, apo disa që refuzojnë të hyjnë nga shqetësimi prej peshqve që i shikojnë.

Në anën tjetër, Japonia është e njohur për tualete unike dhe me teknologji të lartë, shumica prej të cilave ofrojnë edhe mundësi të ndryshme masazhi. /Telegrafi/