Trump thotë se coronavirusi do të largohet pa vaksinë

E publikuar: 08/05/2020 23:53
Rreshtat+- AShkronjat+- Printo

Presidenti amerikan Donald Trump të premten tha para gazetarëve se coronavirusi do të largohet pa vaksinë.

“Ky virus do të largohet pa një vaksinë, do të shkojë, dhe ne nuk do ta shohim përsëri, shpresojmë, pas një kohe sigurisht”, tha Trump në Shtëpinë e Bardhë, transmeton Telegrafi.

Vetëm disa ditë më parë, administrata Trump nisi “Operacionin Warp Speed”, një projekt për të përshpejtuar prodhimin e një vaksine për coronavirusin.

Ndërkaq, eksperti kryesor për sëmundjet ngjitëse i Amerikës, Anthony Fauci, nuk mendon se COVID-19 do të kalojë aq lehtë. “Jam pothuajse i sigurt se do të rikthehet sepse virusi është aq infektues dhe është i shpërndarë në gjithë botën”, ka thënë ai më herët gjatë javës.

SHBA-ja është vendi më i prekur në botë nga coronavirusi me 1.2 milionë të infektuar e më shumë se 76 mijë të vdekur. Në gjithë botën janë infektuar gati katër milionë njerëz. Më shumë se 272 mijë kanë vdekur.