Trump: Aleatët e NATO-s ranë dakord për të rritur shpenzimet në mbrojtje

12.07.2018 16:29
Rreshtat+- AShkronjat+- Printo
Trump: Aleatët e NATO-s ranë dakord për të rritur shpenzimet në mbrojtje

Presidenti i Shteteve të Bashkuara, Donald Trump, tha se vendet e tjera të NATO-s janë pajtuar t’i rrisin shpenzimet në mbrojtje, pas kritikave që ua bëri në samitin në Bruksel.

Duke folur të enjten, pas një takimi urgjent të aleatëve, Trump tha se udhëheqësit e disa shteteve anëtare janë pajtuar që të arrijnë më shpejt cakun e shpenzimeve në mbrojtje, që është 2% e bruto-prodhimit vendor.

Aleatët e NATO-s, në vitin 2014, janë pajtuar që ta arrijnë këtë cak deri në fund të vitit 2024.

Trump tha se 33 miliardë dollarë shtesë do të shpenzohen në mbrojtje nga aleatët e NATO-s, “brenda një periudhe relativisht të shkurtër”.

Si rezultat i takimit të jashtëzakonshëm, Trump tha se NATO është tani “shumë e bashkuar dhe shumë e fuqishme”.

Kancelarja gjermane, Angela Merkel, tha se ka pasur “përkushtim të qartë ndaj NATO-s” nga të gjithë ata që ndoqën sesionin e së enjtes.

Presidenti i Francës, Emmanuel Macron, tha se liderët e NATO-s janë pajtuar të bashkëpunojnë më shumë në funksion të ndryshimit të situatave të sigurisë.

Takimi urgjent u zhvillua pasi Trump i përsëriti kritikat ndaj aleatëve të NATO-s në lidhje me shpenzimet e tyre në mbrojtje dhe praktikat tregtare evropiane, në një sesion me dyer të mbyllura, i cili ka qenë e paraparë të përqëndrohet në sigurinë në rajonin e Detit të Zi.

Pas kritikave të Trumpit, liderët e NATO-s u kërkuan presidentëve të vendeve joanëtare, Ukrainës dhe Gjeorgjisë, të largohen nga dhoma, në mënyrë që të mund të zhvillojnë bisedime vetëm me aleatët.

“U thashë njerëzve se do të isha shumë i pakënaqur nëse nuk do t’i rrisnin shpenzimet e mbrojtjes menjëherë”, tha Trump.

Presidentja e Lituanisë, Dalia Grybauskaite, i hodhi poshtë raportet se Trump kërcënoi se Shtetet e Bashkuara do të dalin nga NATO-ja nëse shtetet e tjera anëtare nuk i rrisin menjëherë shpenzimet e tyre në mbrojtje.

Megjithatë, ajo konfirmoi se Trump ka insistuar se objektivat e shpenzimeve të NATO-s duhet të përmbushen më shpejt.

Trump tha pas sesionit emergjent se ai “ndoshta mund ta tërheqë SHBA-në nga NATO-ja pa miratimin e legjislaturës amerikane”, porse një veprim i tillë tani është “i panevojshëm” sepse aleatët e NATO-s janë pajtuar për rritjen e shpenzimeve në mbrojtje “si kurrë më parë”.

Trump po ashtu shkroi në Twitter se vendet e NATO-s duhet të shpenzojnë në mbrojtje 2% të bruto-prodhimit vendor menjëherë dhe jo deri në vitin 2025.

Më herët, ai u ka kërkuar aleatëve të NATO-s që të arrijnë 2-përqindëshin në shpenzime deri në fund të vitit 2024, por i ka befasuar homologët evropianë të mërkurën, kur ka kërkuar nga ta t’i dyfishojnë shpenzimet në 4% të bruto-prodhimit vendor.

Sipas statistikave të NATO-s, kjo është një pjesë më e madhe se ajo që Shtetet e Bashkuara paguajnë aktualisht.

Takimi urgjent i NATO-s e shtyu një sesion për luftën në Afganistan.

Sekretari i përgjithshëm i NATO-s, Jens Stoltenberg, tha më herët se pret që udhëheqësit e aleancës të pajtohen për rritjen e fondeve për forcat afgane edhe pas vitit 2020, si dhe të shprehin mbështetje të plotë për nismën e presidentit afgan, Ashraf Ghani, për paqe dhe reforma qeveritare.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Lumezi takon Ambasadorin e Zvicrës ne Kosovë, flasin për bashkëpunimin juridik ndërkombëtar

Lumezi takon Ambasadorin e Zvicrës ne Kosovë, flasin për bashkëpunimin juridik ndërkombëtar

Kryeministri flet për humbjen e 20 mijë dollarëve për një event në Amerikë

Kryeministri flet për humbjen e 20 mijë dollarëve për një event në Amerikë

Bie numri i kosovarëve pjesëmarrës në luftrat në Siri e Irak

Bie numri i kosovarëve pjesëmarrës në luftrat në Siri e Irak

Ministria e Inovacionit financon Qendrën e Inovacionit dhe Ndërmarrësisë në UP

Ministria e Inovacionit financon Qendrën e Inovacionit dhe Ndërmarrësisë në UP

NATO: Për mandatin e forcave të sigurisë duhet të konsultohen të gjitha komunitetet në Kosovë

NATO: Për mandatin e forcave të sigurisë duhet të konsultohen të gjitha komunitetet në Kosovë

Pa sundim të ligjit nuk mund të hyhet në BE

Pa sundim të ligjit nuk mund të hyhet në BE

Përdhunimi në luftë, rrëfimi i Vasfije Krasniqit dy dekada pas tmerrit të përjetuar

Përdhunimi në luftë, rrëfimi i Vasfije Krasniqit dy dekada pas tmerrit të përjetuar

Banorët e Harilaqit kundër vendimit të Haradinajt që aty të deponohen materiale të rrezikshme

Banorët e Harilaqit kundër vendimit të Haradinajt që aty të deponohen materiale të rrezikshme

Shtesat për fëmijët, pak entuziazëm te prindërit

Shtesat për fëmijët, pak entuziazëm te prindërit

Haradinaj: Duhet të përmbyllet shtetbërja e Kosovës

Haradinaj: Duhet të përmbyllet shtetbërja e Kosovës

Gjermania dhe BE-ja, kundër importit të veturave të vjetra në Kosovë

Gjermania dhe BE-ja, kundër importit të veturave të vjetra në Kosovë

Rama na zbulon arsyen e “vërtetë” të paketës misterioze “anti- shpifje”

Rama na zbulon arsyen e “vërtetë” të paketës misterioze “anti- shpifje”

MTI mbështet rritjen e konkurrueshmërisë në ekonominë kosovare dhe eksportin e prodhimeve vendore

MTI mbështet rritjen e konkurrueshmërisë në ekonominë kosovare dhe eksportin e prodhimeve vendore

Daçiq: Lesoto ka tërhequr njohjen e Kosovës

Daçiq: Lesoto ka tërhequr njohjen e Kosovës

Në këto vende nuk do të ketë rrymë ditët në vijim

Në këto vende nuk do të ketë rrymë ditët në vijim

Ministri Shala në Ditën Botërore të Standardeve: Le të fillojmë të krijojmë besimin në produktet vendore

Ministri Shala në Ditën Botërore të Standardeve: Le të fillojmë të krijojmë besimin në produktet vendore