Tri arsye të forta pse duhet të stërviteni në dimër në rrugë dhe jo në palestër

E publikuar: 15/12/2018 06:56
Rreshtat+- AShkronjat+- Printo

Jo të gjithë e dinë, por edhe në temperatura të ulëta do të ishte më mirë të bënim aktivitet fizik në natyrë. Kjo është arsyeja pse ju duhet të stërviteni në dimër!

Kur temperaturat bien, dëshira e shumë njerëzve është të mbështillen me një batanije dhe të pinë një çokollatë të nxehtë.

Pavarësisht temperaturave të ulëta, trajnimi në dimër është me të vërtetë i rëndësishëm dhe sporti nuk duhet të neglizhohet kurrë. Megjithatë, jo të gjithë e dinë se do të ishte më mirë të bëhej aktiviteti fizik jashtë…

Nuk është e mundur për të gjithë, veçanërisht për ata që punojnë pothuajse gjatë gjithë ditës. Megjithatë, nëse mund të arrihet, ne mund t’i kushtohemi stërvitjes në rrugë për disa arsye të rëndësishme. Le t’i shohim menjëherë bashkë!

Pse duhet të stërvitemi në ajër të pastër

Le të vishemi mirë, të mbledhim flokët, dorezat dhe çorapet e trasha, të veshim atletet tona të preferuara dhe le të stërvitemi jashtë! Koha më e mirë është para drekës, pasi është koha më e këndshme. Tri arsyet janë këto…

Vitamina D. Një nga tri arsyet pse duhet të ushtrosh në ajër të hapur edhe në të ftohtë është si më poshtë: trupi ka nevojë për vitaminë D dhe rrezet e diellit janë një ilaç i shkëlqyeshëm. Në mënyrë që të kemi forcë dhe kocka të shëndetshme, rrezet diellore janë jetësore edhe në dimër.

Zakonisht, kur është ftohtë, koha e kaluar jashtë është më pak se në verë. Pikërisht për këtë arsye, të paktën kur stërvitemi, mund të përfitojmë nga rrezet që ofron dielli këtë periudhë.

I ftohti ndihmon që të digjni më shumë. Kjo ndodh sepse trupi ka nevojë për më shumë energji gjatë dimrit në mënyrë që të ruajë temperaturën e duhur të trupit. Nëse, pra, bëjmë sport në natyrë, trupi do të djegë më shumë për të arritur qëllimin e tij.

Testi i kostumit bëhet në dimër! Mund të arrijmë dhe të gjithë dëshirojmë që të humbim sa më shumë kilogramë shtesë për të qenë në gjendje që ta kalojmë me sukses provën e kostumit.

Humbja e peshës së tepërt në një periudhë të shkurtër kohe nuk është e mirë për shëndetin, prandaj nëse doni të fitojmë verën, trajnimi i dimrit është ajo që na nevojitet. /Telegrafi/