Agjencia e Statistikave të Kosovës (ASK) ka publikuar Statistikat e Transportit dhe Telekomunikacionit për tremujorin e tretë (TM3 2017), me të dhëna mbi transportin ajror, hekurudhor dhe postë telekomunikimin.
Në këtë raport bie në sy rritja e numrit të fluturimeve në tremujorin e tretë të 2017-ës. Në këtë tremujor në Aeroportin e Prishtinës u realizuan 2384 fluturime ose 9.6 për qind më shumë se në tremujorin e njëjtë të vitit të kaluar.
Numri i udhëtarëve, që kanë shfrytëzuar aeroplanin si mjet transporti gjatë këtij tremujori është rreth 645 mijë, në raport me tremujorin e njëjtë të vitit të kaluar (TM3 2016) është një rritje për 11.2%.
Ky tremujor paraqet tremujorin me më së shumti udhëtarë në historinë e Aeroportit të Prishtinës. Rekordi i kaluar mbahej në tremujorin e tretë të vitit 2016, me 573 mijë udhëtarë.