Dihej që do të publikohej shumë shpejt mënyra e re e aplikacionit Tinder për lidhjen e njerëzve përmes vendndodhjes, por Tinder zyrtarisht njoftoi sot se po teston shërbimin në Australi dhe Kili. Vendet do t’i lejojnë përdoruesit të gjejnë njëri tjetrin duke u bazuar në vendet ku ata udhëtojnë, pavarësisht nëse ky është një park, restorant, kafene apo kinema. Ideja, thotë Tinder, është t’u japë përdoruesve një interes të përbashkët.

Është mundësuar përmes aplikacionit Foursquare, i cili tashmë ka bërë të gjithë punën e vështirë të regjistrimit të subjekteve në hartë dhe identifikimin e hapësirave publike. Tinder thotë se kjo teknologji do të parandalojë ndarjen e vendeve private me të tjerët, duke përfshirë zyrat e mjekëve dhe vendet e punës.

Çdo vend do të popullohet rreth 30 minuta pasi një përdorues ka ikur dhe do të skadojë pas 28 ditësh. Vendet do të shtohen automatikisht nëse një përdorues përdor shërbimin, por ato mund të hiqen sa herë që një përdorues zgjedh të largohet. Vendet janë të ndara nga faqja kryesore e Tinder.

Ju do të jeni në gjendje të kaloni në një hartë dhe të kaloni nga atje mbi gjetjet e mundshme. Do të jetë e të shihen njerëz që kanë vizituar të njëjtat vende si ti, dhe nuk ka asnjë mënyrë për të parë të tërë hartën e vendeve që ka frekuentuar një përdorues. Njerëzit që sapo keni bllokuar nuk do të shfaqen në Places, dhe gjithashtu edhe ata që kalohen nga e majta në Tinder.

Samantha Stevens, drejtoreshë e produkteve të vendndodhjes në Tinder, thotë se kompania është “duke pritur me padurim të shohë se si përdoruesit adoptojnë dhe bashkëveprojnë me aplikacionin në tregjet tona testuese” dhe se kompania do të “vlerësojë dhe do bëjë rregullime bazuar në reagimet e përdoruesve”.

Shumë njerëz janë të interesuar të provojnë Places dhe të shohin se si po funksionon. Ajo që tërheq edhe ata që nuk pëlqejnë baret dhe lokalet është fakti që aty mund të njohin njerëzit të rinj. /PCWorld Albanian