Mbrëmë Finlanda shënoi historinë pasi kombëtarja e tyre fitoi kundër Lihtenshtajnit me rezultat 3:0 dhe kështu për herë të parë siguruan kualifikimin për Euro 2020.
Të gëzuar me këtë fakt padyshim u panë edhe kosovarët që jetojnë dhe veprojnë në këtë shtet skandinav, i cili i hapi dyert shumë prej tyre në kohën më të vështirë për popullin tonë.
Jeton Vuçitërna nga Rahoveci është njëri prej tyre, i cili festës së finlandezëve i dha një ngjyrim kombëtar shqiptar.
Në llogarinë e tij të rrjetit social Facebook, ai e ka postuar një fotografi ku shihet duke pozuar me një grup tifozësh të Finlandës, të cilët me duart e tyre krijuan simbolin e shqiponjës dykrenare, ndërkaq tek përshkrimi i imazhit Jetoni ka lënë fjalët: “Sonte finlandezet u kualifikuan në Euro 2020, shprehën dëshirë që në mars edhe ne të festojmë sikur finlandezet”.
Urojmë që dëshira e tyre të plotësohet!
