Ashtu siç edhe pritej, rikthimi i Thibaut Courtois në Spanjë në derbin e Madridit nuk do të ishte aspak i mirë për belgun.
Kjo ishte paraqitja e parë për atë në Wanda Metropolitano që kur u largua te Chelsea, dhe tifozët e Atletico Madridit ende nuk e kanë falur për tradhtinë.
Ata e gjuajtën gjatë gjithë ndeshjes me lodra në formë minjsh dhe e fishkëllyen duke i treguar se e konsiderojnë tradhtar.
Ratas para Courtois tiradas por el Frente Atlético @atleti @realmadrid #metropolitano pic.twitter.com/oc128axOJj
— Foro MDM Naranja (@foromdm0) February 9, 2019
Por, nuk munguan edhe provokimet nga 26-vjeçari, i cili festoi në të gjithë golat në fitoren 1-3 të Real Madridit. “Ne nuk të falim”, ishte një nga koret e tifozëve vendas drejt tani yllit të Realit.
Kjo nuk ishte e gjitha, jashtë stadiumit Wanda Metropolitano lojtarët më të sukseshëm të klubit kanë pllakta të vendosur në tokë, ajo e belgut ishte e mbushur me lodra minjsh, kanaçe të birrave dhe disa mbeturina.
Ratas, cervezas, escupitajos y silbidos: hostil recibimiento del Atlético Madrid a Thibaut Courtois https://t.co/zA0eEl3rJ1 pic.twitter.com/kPvcZugKmX
— infobae (@infobae) February 9, 2019
Courtois iu bashkua Los Blancos gjatë verës së 2018 për 38.8 milionë euro, ku nënshkroi kontratë gjashtë vjeçare.
Ai ishte pjesë e Atleticos për tre sezone ku fitoi La Ligan, Kupën e Mbretit, Ligën e Evropës, Superkupën e Evropës. /Telegrafi/
