Thellohet kriza në Telekom, s’ka pare për qiratë e antenave

13.06.2019 19:51
Rreshtat+- AShkronjat+- Printo
Thellohet kriza në Telekom, s’ka pare për qiratë e antenave

Zakonisht, në datën 6 të secilit muaj, Aziz Gucati nga Skenderaj, paguan obligimet e tij mujore si shpenzimet e ujësjellësit, tatime komunale e energjinë elektrike.

Por këtë të fundit, tash e dy muaj, nuk po e paguan dhe jo për shkak të kushteve jo të mira ekonomike, raporton KTV.

Borxhi për këta dy muaj i ka mbërritur në mbi 300 euro dhe faturat janë më të larta se të një shtëpie të zakonshme, pasi në pronën e tij është e vendosur një antenë për shpërndarje të rrjetit, qysh prej vitit 2006.

Dhe për të, Telekomi i ka paguar vetëm 2 prej gjashtë muajve të qerasë dhe shpenzime të energjisë elektrike.

Vonesat me pagesa për qiranë i ka konfirmuar zyra për media e Telekomit, e një gjë të tillë e kanë arsyetuar me gjendjen e vështirë financiare të ndërmarrjes.

“Sa i përket pagesës së qirasë, siç dihet për shkak të vështirësive financiare, kohët e fundit Telekomi i Kosovës ka kërkuar mirëkuptim te operatorët ekonomikë për arsye të vonesës në procedimin e pagesave me kohë. Si rrjedhojë, në shumicën e rasteve kemi vonesa të pagesës së qirave me operatorë të caktuar, përfshirë edhe për rastin në fjalë dhe bëhet fjalë mesatarisht për tre deri katër qira të papaguara mujore”, ka thënë Arsim Bilalli, zëdhënës në Telekom.

Por, Gucati, nga komunikimi me persona kompetent brenda Telekomit, thotë të ketë indikacione se dikujt po i paguhet qiraja e dikujt jo.

Megjithatë, Telekomi, në vazhdimësi, është duke kërkuar një rrugëdalje për t’i ikur kolapsit financiar.

Tani, përballë kërkesave për shlyerjen e borxhit prej 25 milionë eurosh ndaj Z-Mobile, Telekomi ka kërkuar një garanci shtetërore nga qeveria, që të futet në kredi.

Lulzim Rafuna, këshilltar i Ministrit të Financave, në një përgjigje me shkrim, ka thënë se kërkesa është bërë më 27 maj, dhe se është themeluar ekipi për shqyrtimin e saj.

Varësisht nga nevoja për informata shtesë, nga dita e kompletimit të kërkesës, ekipi në fjalë, sipas Rafunës, jep rekomandimin.

“Kërkesa, sipas Ligjit për Borxhin Publik, ka ardhur nga Telekomi me datë 27.05.2019, kurse është konfirmuar nga MZHE-ja me datën 29.05.2019. Pas sqarimeve të nevojshme përmes shkresave, me datën 05.06.2019 është themeluar, me vendim të ministrit, ekipi për shqyrtimin e kërkesës. Ekipi ka filluar trajtimin dhe, sipas ligjit, mund të kërkojë informata shtesë.
Afatet ligjore, sipas rregullores, janë 30 ditë nga kompletimi i kërkesës, bëhet rekomandimi nga ekipi. Prandaj, në varësi të nevojës për informata shtesë rrjedhin edhe afatet”, ka thënë Lulzim Rafuna, këshilltar në Ministrinë e Financave.

Sipas Fatban Bunjakut, nga Komiteti për Komunikime Elektronike dhe Postare, janë disa veprime që do të mund t’i ndërmerrte ndërmarrja, për të përmirësuar gjendjen.

Mosvazhdimi i kontratës me Z-Mobile dhe implementimi i kodit +383, janë disa prej tyre.

Muajin e kaluar u raportua për një kërkesë që Bordi i kishte bërë qeverisë për kthimin e dividentës së paguar në vitin 2015, në vlerë prej 15 milionë eurosh, nën pretendimet se ajo ishte paguar jashtëligjshëm.

Lidhur më ketë kërkesë, Ministria e Financave ka udhëzuar bordin e Telekomit që rastin ta dërgojë pranë gjykatave.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Hoti: Presidenti i ka kompetencat e veta, unë të miat, s’lejoj askënd të ndërhyjë

Hoti: Presidenti i ka kompetencat e veta, unë të miat, s’lejoj askënd të ndërhyjë

Për një javë në Kosovë u shtuan më shumë se 50 raste aktive me COVID-19

Për një javë në Kosovë u shtuan më shumë se 50 raste aktive me COVID-19

Von Cramon e hutuar se kush do ta kryesojë dialogun me Serbinë

Von Cramon e hutuar se kush do ta kryesojë dialogun me Serbinë

Balaj: Kurti për herë të parë ia dha dy ministri Listës Serbe dhe emëroi një këshilltar serb

Balaj: Kurti për herë të parë ia dha dy ministri Listës Serbe dhe emëroi një këshilltar serb

Ish-gjyqtarja Mushkolaj konteston kushtetutshmërinë e zgjedhjes së Qeverisë Hoti

Ish-gjyqtarja Mushkolaj konteston kushtetutshmërinë e zgjedhjes së Qeverisë Hoti

Cakaj: Jam krenar që isha në VV, por edhe më krenar që u largova

Cakaj: Jam krenar që isha në VV, por edhe më krenar që u largova

Zgjedhorja/ Arrihet dakordësia për administrimin e zgjedhjeve, komisionet siç kanë qenë…

Zgjedhorja/ Arrihet dakordësia për administrimin e zgjedhjeve, komisionet siç kanë qenë…

Vrasje-vetëvrasje, Prindërit, fëmijët dhe macet e shtëpisë gjenden të vdekur

Vrasje-vetëvrasje, Prindërit, fëmijët dhe macet e shtëpisë gjenden të vdekur

Foto/ U infektuan me koronavirus, nëna me foshnjën mposhtin virusin

Foto/ U infektuan me koronavirus, nëna me foshnjën mposhtin virusin

11 raste të reja me COVID-19 në Kosovë të premten, dy të shëruar

11 raste të reja me COVID-19 në Kosovë të premten, dy të shëruar

Haziri: Kurti tentoi të thotë se janë dy parti LDK, njëra në Kuvend e tjetra në lagjen Qafa

Haziri: Kurti tentoi të thotë se janë dy parti LDK, njëra në Kuvend e tjetra në lagjen Qafa

Dorëzohet Hoti ia delegon Thaçit përfaqësimin e Kosovës në negociata

Dorëzohet Hoti ia delegon Thaçit përfaqësimin e Kosovës në negociata

Mustafa i reagon Haskukës pas prishjes së koalicionit: I fitove zgjedhjet falë LDK’së, do të rrëzojmë nga pushteti

Mustafa i reagon Haskukës pas prishjes së koalicionit: I fitove zgjedhjet falë LDK’së, do të rrëzojmë nga pushteti

Hoti i shpreh Kosnettit “vendosmërinë për bashkëpunim të ngushtë me SHBA-në”

Hoti i shpreh Kosnettit “vendosmërinë për bashkëpunim të ngushtë me SHBA-në”

Kosnetti pret që SHBA-ja të dalë më e fuqishme pas trazirave të fundit

Kosnetti pret që SHBA-ja të dalë më e fuqishme pas trazirave të fundit

Një muaj paraburgim të dyshuarit që kërcënoi togerin serb të FSK-së

Një muaj paraburgim të dyshuarit që kërcënoi togerin serb të FSK-së